Nopus yötkigenliki üchün tutulghan a'ile ayali aygül turaxan 10 yilliq késilgen

Muxbirimiz shöhret hoshur
2020-04-13
Élxet
Pikir
Share
Print
"Diniy esebiylik" gumani bilen tutulup, "Dölet bixeterlikige xewp yetküzüsh" bilen eyiblinip, 10 yilliq qamaqqa késiwétilgen a'ile ayali aygül turaxan ikki newrisi bilen.
"Diniy esebiylik" gumani bilen tutulup, "Dölet bixeterlikige xewp yetküzüsh" bilen eyiblinip, 10 yilliq qamaqqa késiwétilgen a'ile ayali aygül turaxan ikki newrisi bilen.
Photo: RFA

Ashkarilinishiche, tékes nahiyesidin nopusini yötkigenliki üchün "Diniy esebiylik" gumani bilen tutulghan a'ile ayali aygül turaxan tekshürülüsh dawamida "Qol téléfoni arqiliq diniy mezmundiki matériyallarni bashqilargha tarqatqanliqi bayqalghan" liqi üchün dölet bixeterlikige xewp yetküzüsh bilen eyiblinip, 10 yilliq qamaqqa késiwétilgen. Delillinishiche, u nöwette ghulja sheher bayköldiki bir türmide jaza mudditini ötimekte.

Weziyettin xewerdar kishining melum qilishiche, tékes nahiyiside qassapliq qiliwatqan memet'eli abdurishit tijaritini ghulja shehiride dawamlashturush üchün 2010‏-yillarning béshida ayali aygül turaxun we oghli shir'eliler bilen birlikte ghulja shehirining xenbing yézisigha köchüp kelgen. 2017‏-Yili Uyghur rayonida lagérlargha adem toplash bashlan'ghanda köchme nopustikiler asasliq bir nishan bolghan. Netijide memet'eli abdurishit ayali bilen birlikte lagérgha ekétilgen. Lagérdiki atalmish "Terbiyilesh" we tekshürülüsh dawamida aygül turaxunning qol téléfoni arqiliq atalmish "Diniy esebiylik" mezmundiki bir matériyalni bir qanche tonushlirigha yollighanliqi melum bolghan. Bu qilmish "Milliy bölgünchilikke qutritish" we "Dölet bixeterlikige xewp yetküzüsh" dep qaralghan. Da'iriler sotsiz chiqirilghan bir höküm arqiliq aygül turaxunni 2019‏-yilning béshida 10 yilliq qamaqqa höküm qilghan.

Téléfonimizni qobul qilghan xenbing yéziliq saqchi xadimi aygül turaxanning qamaqta ikenlikini ret qilmidi. Emma bu xadim aygül turaxanning néme sewebtin tutulghan we qandaq bir eyiblime bilen késiwétilgenliki heqqide melumat bermidi.

Weziyettin xewerdar kishi teminligen nopus tizimlash kartisida qeyt qilinishiche, bu yil 4-ayda ayda del 49 yashqa kirgen aygül turaxun bir mehel ghulja sheherlik qamaqxanida tutup turulghan.

Emma aygül turaxunning lagérgha ekétilip qanchilik waqittin kéyin qamaqxanigha yötkelgenliki we qamaqxanida qanchilik tutup turulghandin kéyin késilgenliki melum emes.

Xenbing yézisidiki kent kadirliridin biri aygül turaxunning "Dölet bixeterlikige xewp yetküzüsh" bilen eyiblinip késilgenlikini delillidi. Bu xadimning bayan qilishiche, lagérdiki soraqta mesile tapshurush dawamida u özining qol téléfonidin bayqalghan diniy matériyallirini birqanche tonushigha yollighanliqini iqrar qilghan. Bu iqrar uning atalmish "Jem'iyet tertipini buzush we qutratquluq" qilmishigha pakit qilin'ghan.

Bu xadimning bayanliridin xenbing yézisining yéngimehelle kentide aygül turaxun bilen bir waqitta birqanche kishining jaza hökümining uqturulghanliqi melum. Emma ularning ene ashu aygül turaxun diniy matériyalni yollighan kishiler yaki bashqilar ikenliki melum emes.

Kent xadimlirining bayan qilishiche, memet'eli abdurishit lagérda 1 yil 4 ay yatqandin kéyin qoyup bérilgen. Weziyettin xewerdar kishining bu ehwalgha asasen perez qilishiche, nopus yötkesh aygül turaxunning bir mezgilde lagérda yétishigha seweb bolghan. Uning késilishige qol téléfonidiki "Diniy matériyal" bahane qilin'ghan. Ashkarilishiche, aygül turaxun nöwette ghulja sheher bayküldiki bir türmide jaza mudditini ötimektiken.

Toluq bet