«ئائىلەم نەدە؟» نامايىشى گېرمانىيە ۋە نورۋېگىيەلەردىمۇ داۋام قىلماقتا

ئىختىيارىي مۇخبىرىمىز ئەكرەم
2021-02-23
Share
«ئائىلەم نەدە؟» نامايىشى گېرمانىيە ۋە نورۋېگىيەلەردىمۇ داۋام قىلماقتا تۈركىيەدە باشلانغان گېرمانىيەگە كېڭەيگەن «ئائىلەم نەدە؟» نامايىشىدىن كۆرۈنۈش. 2021-يىلى 22-فېۋرال، ميۇنخېن، گېرمانىيە.
RFA/Ekrem

تۈركىيەدە باشلانغان «ئائىلەم نەدە؟» نامايىشى گېرمانىيە ۋە نورۋېگىيەلەرگىمۇ كېڭەيدى

تۈركىيەنىڭ ئەنقەرە ۋە ئىستانبۇل شەھەرلىرىدە ئايلاردىن بۇيان داۋام قىلىپ كېلىۋاتقان «ئائىلەم نەدە؟» نامايىشى دۇنيانىڭ ھەرقايسى ئەللىرىگە كېڭەيمەكتە. 16-فېۋرالدىن باشلاپ بۇ نامايىش گېرمانىيەنىڭ ميۇنخېن، دورتمۇند، فرانكفۇرت، ستۇتگارت ۋە بېرلىن قاتارلىق چوڭ شەھەرلىرىدىمۇ ئۆتكۈزۈلۈشكە باشلىغان.

تۈركىيەدە باشلانغان نورۋېگىيەگە كېڭەيگەن «ئائىلەم نەدە؟» نامايىشىدىن كۆرۈنۈش. 2021-يىلى 22-فېۋرال، ئوسلو، نورۋېگىيە.

ياۋروپا شەرقىي تۈركىستان بىرلىكى تەشكىلاتىنىڭ رەئىسى ئەسقەرجان ئەپەندىنىڭ بىلدۈرىشىچە، ميۇنخېن شەھىرىدە ئۆتكۈزۈلگەن نامايىشقا بىرقىسىم پارلامېنت ئەزالىرىمۇ كېلىپ قاتناشقان. نامايىش بىر ئاي داۋام قىلىدىكەن. بۇ نامايىشقا د ئۇ ق رەئىسى دولقۇن ئەيسا ئەپەندىمۇ ئىشتىراك قىلىپ نۇتۇقلار سۆزلىگەن.

د ئۇ ق تەتقىقات مەركىزىنىڭ مۇدىرى ئەنۋەر ئەخمەت ئەپەندىنىڭ ئېيتىشىچە، ئۆتكەن بىرقانچە كۈنلەردىن بۇيان «ئائىلەم نەدە؟» نامايىشى گېرمانىيەنىڭ دورتمۇند، فرانكفۇرت، ستۇتگارت ۋە بېرلىن قاتارلىق شەھەرلىرىدىمۇ ئۆتكۈزۈلگەن.

«ئائىلەم نەدە؟» نامايىشى 22-فېۋرالدىن باشلاپ يەنە نورۋېگىيەنىڭ ئوسلو شەھرىدىمۇ باشلانغان. نورۋېگىيە ئۇيغۇر كومىتېتىنىڭ رەئىسى، «ئۇيغۇر ئەدلىيەسى ئارخىپ ئامبىرى» نىڭ مۇدىرى بەختىيار ئۆمەر ئەپەندىنىڭ بايان قىلىشىچە، نورۋېگىيەدىكى بۇ نامايىش ئايلارچە داۋام قىلىدىكەن.

د ئۇ ق ئىجرائىيە كومىتېتىنىڭ مۇئاۋىن رەئىسى سەمەت ئابلا ئەپەندىمۇ 22-فېۋرال ئوسلودا ئۆتكۈزۈلگەن نامايىشقا قاتناشقان بولۇپ، ئۇ بۈگۈن بۇ نامايىش ھەققىدە زىيارىتىمىزنى قوبۇل قىلغاندا «ئائىلەم نەدە؟» نامايىشنى نورۋېگىيەنىڭ ھەرقايسى شەھەرلىرىگە كېڭەيتىش تەشەببۇسىدا بولدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت