"аиләм нәдә?" намайиши германийә вә норвегийәләрдиму давам қилмақта

Ихтиярий мухбиримиз әкрәм
2021-02-23
Share
Түркийәдә башланған германийәгә кеңәйгән "аиләм нәдә?" намайишидин көрүнүш. 2021-Йили 22-феврал, мюнхен, германийә.
RFA/Ekrem

Түркийәдә башланған "аиләм нәдә?" намайиши германийә вә норвегийәләргиму кеңәйди

Түркийәниң әнқәрә вә истанбул шәһәрлиридә айлардин буян давам қилип келиватқан "аиләм нәдә?" намайиши дуняниң һәрқайси әллиригә кеңәймәктә. 16-Февралдин башлап бу намайиш германийәниң мюнхен, дортмунд, франкфурт, стутгарт вә берлин қатарлиқ чоң шәһәрлиридиму өткүзүлүшкә башлиған.

Түркийәдә башланған норвегийәгә кеңәйгән

Явропа шәрқий түркистан бирлики тәшкилатиниң рәиси әсқәрҗан әпәндиниң билдүришичә, мюнхен шәһиридә өткүзүлгән намайишқа бирқисим парламент әзалириму келип қатнашқан. Намайиш бир ай давам қилидикән. Бу намайишқа д у қ рәиси долқун әйса әпәндиму иштирак қилип нутуқлар сөзлигән.

Д у қ тәтқиқат мәркизиниң мудири әнвәр әхмәт әпәндиниң ейтишичә, өткән бирқанчә күнләрдин буян "аиләм нәдә?" намайиши германийәниң дортмунд, франкфурт, стутгарт вә берлин қатарлиқ шәһәрлиридиму өткүзүлгән.

"аиләм нәдә?" намайиши 22-февралдин башлап йәнә норвегийәниң осло шәһридиму башланған. Норвегийә уйғур комитетиниң рәиси, "уйғур әдлийәси архип амбири" ниң мудири бәхтияр өмәр әпәндиниң баян қилишичә, норвегийәдики бу намайиш айларчә давам қилидикән.

Д у қ иҗраийә комитетиниң муавин рәиси сәмәт абла әпәндиму 22-феврал ослода өткүзүлгән намайишқа қатнашқан болуп, у бүгүн бу намайиш һәққидә зияритимизни қобул қилғанда "аиләм нәдә?" намайишни норвегийәниң һәрқайси шәһәрлиригә кеңәйтиш тәшәббусида болди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт