"A'ilem nede?" namayishi gérmaniye we norwégiyelerdimu dawam qilmaqta

Ixtiyariy muxbirimiz ekrem
2021-02-23
Share
Türkiyede bashlan'ghan gérmaniyege kéngeygen "A'ilem nede?" namayishidin körünüsh. 2021-Yili 22-féwral, myunxén, gérmaniye.
RFA/Ekrem

Türkiyede bashlan'ghan "A'ilem nede?" namayishi gérmaniye we norwégiyelergimu kéngeydi

Türkiyening enqere we istanbul sheherliride aylardin buyan dawam qilip kéliwatqan "A'ilem nede?" namayishi dunyaning herqaysi ellirige kéngeymekte. 16-Féwraldin bashlap bu namayish gérmaniyening myunxén, dortmund, frankfurt, stutgart we bérlin qatarliq chong sheherliridimu ötküzülüshke bashlighan.

Türkiyede bashlan'ghan norwégiyege kéngeygen

Yawropa sherqiy türkistan birliki teshkilatining re'isi esqerjan ependining bildürishiche, myunxén shehiride ötküzülgen namayishqa birqisim parlamént ezalirimu kélip qatnashqan. Namayish bir ay dawam qilidiken. Bu namayishqa d u q re'isi dolqun eysa ependimu ishtirak qilip nutuqlar sözligen.

D u q tetqiqat merkizining mudiri enwer exmet ependining éytishiche, ötken birqanche künlerdin buyan "A'ilem nede?" namayishi gérmaniyening dortmund, frankfurt, stutgart we bérlin qatarliq sheherliridimu ötküzülgen.

"A'ilem nede?" namayishi 22-féwraldin bashlap yene norwégiyening oslo shehridimu bashlan'ghan. Norwégiye Uyghur komitétining re'isi, "Uyghur edliyesi arxip ambiri" ning mudiri bextiyar ömer ependining bayan qilishiche, norwégiyediki bu namayish aylarche dawam qilidiken.

D u q ijra'iye komitétining mu'awin re'isi semet abla ependimu 22-féwral osloda ötküzülgen namayishqa qatnashqan bolup, u bügün bu namayish heqqide ziyaritimizni qobul qilghanda "A'ilem nede?" namayishni norwégiyening herqaysi sheherlirige kéngeytish teshebbusida boldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet