Германийәдики парламент әзаси мартин патзелт уйғурларниң "аиләм нәдә" намайишини қоллиди

Мухбиримиз меһрибан
2021-03-16
Share
Германийәдики парламент әзаси мартин патзелт уйғурларниң Германийәдики "илһам тохти институти" башлиқи әнвәрҗан әпәнди "аиләм нәдә" темисидики намайишчиларға мәдәт бериш үчүн кәлгән германийәдики һакимийәт бешидики христиан демократлар иттипақиниң федерал парламенттики вәкили мартин патзелт әпәндигә доппа соға қилди. 2021-Йили 15-март, мюнхен.
Enwerjan teminligen

Германийәдики уйғур тәшкилатлиридин "явропа шәрқий шәрқий түркистан бирлики" ниң орунлаштуруши, "илһам тохти иниститтоти" ниң қоллиши билән бир айдин буян мюнхен шәһиридики хитай консулханиси алдида давамлишиватқан "аиләм нәдә" намайиши 15-март күни аяқлашқан.

Радийомиз зияритини қобул қилған германийәдики "илһам тохти иниститоти" башлиқи әнвәрҗан әпәндиниң билдүрүшичә, 15-март күни германийәдики һакимийәт бешидики хиристиян демократлар иттипақиниң федерал парламенттики вәкили мартин патзелт әпәнди намайиш мәйданиға келип, уйғурларға мәдәт бәргән.

15-Март күнидики намайиш һәққидики син көрүнүшидин мәлум болушичә, мартин әпәнди шу күни хитайниң мюнхендики консулханиси алдида уйғур допписини кийип, қолида бир дәстә гүлни тутуп, шәрқий түркистанниң ай-юлтузлуқ көк байриқи ләпилдәп турған мәйданда намайишқа қатнашқан.

Мартин әпәнди "яврупа шәрқий шәрқий түркистан бирлики" ниң рәиси әсқәр җанниң тәклипи бойичә 15-март күни 600 келометир йолни бесип, мюнхендики намайиш мәйданиға йетип кәлгән икән.

Әнвәр җан әпәнди мартин әпәндиниң намайиш җәрянида "уйғурларниң һәққаний һәркитини қоллаймән" дегән сөзини нәқил елип өтти.

Әнвәр җан әпәндиниң билдүрүшичә, мартин әпәнди хитай консулханисиға қарап туруп: "һөкүмитиңиз бир хәлқни қирғин қиливатиду, инсанлиққа қарши һәркәт қиливатиду" дәп вақирап шоар товлиған. Мартин әпәнди йәнә германийә һөкүмитиниң уйғурлар мәсилисидә пәқәтла хитай һөкүмитини тәнқит қилиш биләнла чәклиниватқанлиқини тәнқитлигән. У германийә һөкүмитиниң хитайға бесим ишлитип, уйғурлар қамалған җаза лагерлирини тақаш үчүн әмәлий һәркәт қилишни тәләп қилған.

Мәлум болушичә, мартин патзелт әпәнди 2017-йилидин буян германийә хиристиян демократлар иттипақиниң 18-вә 19-нөвәтлик федерал парламенттики әзаси икән. У германийәдики сиясийонлар ичидә уйғур вәзийитигә үзлүксиз көңүл бөлүп келиватқан вә уйғур тәшкилатлириниң паалийәтлирини йеқиндин қоллап келиватқан сиясий әрбапларниң бири икән.

Әнвәр җан әпәндиниң билдүрүшичә, мартин әпәнди йәнә хитай түрмисидики уйғур зиялийси илһам тохти мәсилисигиму йеқиндин көңүл бөлүп кәлгән сиясийонларниң бири икән.

Әнвәр җан әпәндиниң тәкитлишичә, мартин әпәндигә охшаш сиясий әрбапларниң уйғурлар вәзийитигә көңүл бөлүши вә уйғурларниң паалийәтлиригә иштирак қилип қоллиши, чәт әлләрдики уйғур дәваси үчүн актип рол ойнайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт