Америка хитай билән мунасивәтлик үч киши үстидин тутуш буйруқи чиқарди

Мухбиримиз җүмә
2020-06-28
Елхәт
Пикир
Share
Принт
Хитай билән мунасивәтлик үч киши америкиниң микрон технологийә һәссидарлиқ ширкити (Micron Technology) ниң компютер ички сақлиғуч ясаш мәхпийити оғрилиған.
Хитай билән мунасивәтлик үч киши америкиниң микрон технологийә һәссидарлиқ ширкити (Micron Technology) ниң компютер ички сақлиғуч ясаш мәхпийити оғрилиған.
phonearena.com

Америка даирилири америкидики бир юқири пән-техника ширкитиниң сода мәхпийәтликини оғрилап кәткән хитай һөкүмити игидарчилиқидики бир компютер өзики ясаш ширкитиниң сабиқ директори қатарлиқ үч киши үстидин тутуш буйруқи чиқарди.

Мәлум болушичә, хитай дөләт игидарлиқидики фуҗйән җинхуа бирләшмә өзәк тахтиси һәссидарлиқ ширкитиниң сабиқ директори чен җеңкүн, тәйвән бирләшкән микро електрон гуруһи (UMC) ниң инженери ваң юңмиң вә хе җйәнтиң қатарлиқ бу үчәйлән америкиниң микрон технологийә һәссидарлиқ ширкити (Micron Technology) ниң компютер ички сақлиғуч яшаш мәхпийити оғрилиған.

Америка әдлийә министирлиқи буларни 2018-йили сода җасуслуқи билән шуғуллиниш җинайити билән җазаға тартқан.

Бу үчәйләнниң һәммиси тәйвән пуқраси болуп тәйвәндә яшаватқан болғачқа, әйни вақитта уларни америкиға әкелип сотқа тартиш мумкин болмиған.

Униң үстигә, америка һөкүмитиниң булар үстидин тутуш буйруқи чиқириш тәлипи һазирғичә кәйнигә сүрүп келингән.

Чаршәнбә күни сан франсискода мәзкурлар устидин ечилған сотта сотчи америка һөкүмәт әйиблигүчисиниң булар үстидин тутуш буйруқи чиқириш тәлипини тәстиқлиған.

Америка әдлийә министирлиқиниң әйни чағдики әйибнамисигә қариғанда, тәйвәнгә җайлашқан MMT намлиқ компютер өзәклирини ясаш ширкити американиң микрон технологийә һәссидарлиқ ширкити тәминлигән лайиһә бойичә бу ширкәтниң динамикилиқ ички сақлиғучлирини ясаш билән шуғуллинидикән.

MMT 2013-Йили, чен җеңкүнниң башқурушидики бир електрон ширкитини өткүзүвалған. Чен MMT дә 2015-йили июлда туюқсиз истепа бәргәнгә қәдәр ишлигән вә узун өтмәй UMC (бирләшкән микро електрон гуруһи) ға ишқа чүшкән.

У MMT дин чиқип кетиш алдида бу ширкәттики инженер ваң юңмиң билән шериклишип америка микрон ширкитиниң 900 артуқ ички сақлиғуч ясаш мәхпийәтликини оғрилап елип чиқип кәткән.

У, бу ширкәттики вақтида хитай һөкүмити мәбләғ селип 2016-йили қуруп чиққан фуҗйән җинхуа бирләшмә өзәк тахтиси һәссидарлиқ ширкити билән һәмкарлиқ орнатқан. Келишим бойичә UMC (бирләшкән микро електрон гуруһи) өз иликидики динамикилиқ ичи сақлиғуч ясаш техникисини фуҗйән җинхуа бирләшмә өзәк тахтиси һәссидарлиқ ширкитигә өткүзүп бәргән.

Кейин чен җеңкүн фуҗйән җинхуа бирләшмә өзәк тахтиси һәссидарлиқ ширкитигә директор болған.

Икки һәптә илгири тәйвән йәрлик соти булар үстүн сот ечип уларни җинайи җавабкарлиққа тартқан вә уларниң америка техникисини оғрилап хитай һөкүмәт игидарлиқидики бир ширкәткә өткүзүп бәргәнликини дәлиллигән вә буларға 4. 5 Йилдин 6. 5 Йилғичә муддәтлик қамақ җазаси бәргән.

Һалбуки, америкиниң хитай яки тәйвән арисида җинайәтчиләрни өткүзүп бериш келишими болмиғачқа бу җавабкарларни америкиға әкирип җазаға тартиш иши һазирчә мумкин әмәс икән.

Пикирләр (0)
Share
Толуқ бәт