ئامېرىكىنىڭ ئىستىخبارات ئەمەلدارى: خىتاي دۇنيادىكى دېموكراتىيە ۋە ئەركىنلىككە ئەڭ چوڭ تەھدىت

مۇخبىرىمىز جۈمە
2020-12-06
Share
ئامېرىكىنىڭ ئىستىخبارات ئەمەلدارى: خىتاي دۇنيادىكى دېموكراتىيە ۋە ئەركىنلىككە ئەڭ چوڭ تەھدىت ئامېرىكىنىڭ دۆلەتلىك ئىستىخبارات مۇدىرى جون راتكلېف.
Social Media

پەيشەنبە كۈنى، ئامېرىكا ئىستىخبارات ئىدارىسىنىڭ يۇقىرى دەرىجىلىك ئەمەلدارى خىتاينىڭ دۇنيادىكى دېموكراتىيە ۋە ئەركىنلىككە ئىككىنچى دۇنيا ئۇرۇشىدىن بۇيانقى ئەڭ چوڭ تەھدىتكە ئايلانغانلىقىنى بىلدۈردى.

ئامېرىكىنىڭ دۆلەتلىك ئىستىخبارات مۇدىرى جون راتكلېف بۇ سۆزلەرنى «ۋال سترېت ژۇرنىلى گېزىتى» دە ئېلان قىلغان ئوبزورىدا ئوتتۇرىغا قويدى.

ئۇ ماقالىسىدە مۇنداق دېدى: «ئىستىخباراتلار شۇنى ئېنىق كۆرسىتىدۇكى: بېيجىڭ ئامېرىكا ۋە يەرشارىنىڭ باشقا جايلىرىغا ئىقتىسادىي، ھەربىي ۋە تېخنىكا جەھەتتىن ھۆكۈمرانلىق قىلىشنى ئويلايدۇ.»

ئۇ يەنە مۇنداق دېدى: «خىتاي بۈگۈن ئامېرىكىغا ئەڭ چوڭ تەھدىت، شۇنداقلا ئىككىنچى دۇنيا ئۇرۇشىدىن بۇيانقى دۇنيا مىقياسىدا دېموكراتىيە ۋە ئەركىنلىك ئۈچۈن ئەڭ چوڭ تەھدىت.»

راتكىللېف يەنە خىتايغا بولغان دىققەتنى ئاشۇرۇش ئۈچۈن، ئىستىخباراتقا ئاجرىتىلغان 85 مىليارد دوللارلىق فېدېراتسىيە خامچوتىدىن مەخسۇس مەبلەغ ئاجراتقانلىقىنى بىلدۈردى.

جۇمھۇرىيەتچىلەر پارتىيەسىنىڭ سابىق پارلامېنت ئەزاسى راتكلىف ترامپ تەرىپىدىن ئۆتكەن يىلى ئەتىيازدا ئامېرىكىنىڭ ئەڭ يۇقىرى دەرىجىلىك ئىستىخبارات خىزمىتىگە تەيىنلەنگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت