Америка мудапиә министири марк әспер: хитай дуня тәртипигә еғир тәһдит

Мухбиримиз җүмә
2020-02-16
Елхәт
Пикир
Share
Принт
Америка дөләт мудапиә министири марк әспер мюнхен бихәтәрлик йиғинида сөздә. 2020-Йили 15-феврал. Мюнхен, германийә.
Америка дөләт мудапиә министири марк әспер мюнхен бихәтәрлик йиғинида сөздә. 2020-Йили 15-феврал. Мюнхен, германийә.
Social Media

Америка дөләт мудапиә министири марк әспер хитайниң дуня тәртипигә еғир тәһдит икәнликини билдүрди вә хәлқара җәмийәтни уйқусини ечишқа чақирди.

У, бу сөзләрни 15-феврал шәнбә күни дуня әллириниң нопузлуқ рәһбәрлири қатнишиватқан мюнхен бихәтәрлик йиғинидики нутқида оттуриға қойди.

У мундақ деди: «хәлқара җәмийәт нәччә он йилидин бери һәммимизгә мәнпәәт берип кәлгән дуня тәртипини хитайниң көз боямчилиқ қилип алдашлири пәйда қилған риқабәтләргә қарши уйқусини ечиши керәк.»

У йәнә америкиниң дөләт мудапиә истратегийәсидә хитай америкиниң әң негизлик риқабәтчиси, дәп көрситилгәнликини алаһидә тилға алди.

У мундақ деди: «дөләт мудапиә истратегийәмиздә, нөвәттики бүйүк қудрәтлик дөләт болуш мусабиқисидики негизлик риқабәтчи русийә әмәс, бәлки хитайдур. Шуңа диққәт мәркизи төвән дәриҗилик тоқунушлардин, шиддәтлик җәңләр гә һазирлиқ көрүшкә бурулуши керәк, дейилгән.»

У йәнә хитайниң ‍өз армийәсини 2035-йилиғичә заманивилаштуруп болуп, 2049-йилиғичә дуняда алдинқи қатарда туридиған һәрбий күч сүпитидә асияға һөкүмранлиқ қилимиз дегәнликини, хитайниң қошна әлләргә бесим ишлитип, өз хәлқини бастуридиғанлиқини тилға алди.

У мундақ деди: «биз хитайниң нормал дөләткә охшаш қилиқларни қилишини халаймиз. Бундақ дегәнлик, хитай сиясити вә қилиқлирини ‍өзгәртиши керәк, дегәнликтур.»

Шу күндики йиғинда сөзлигән америка ташқи ишлар министири майк попейому хитайни әйиблигән вә униң 5г техникисини «троя ети» ға охшатқан иди.

2020-Йиллиқ мюнхен бихәтәрлик йиғини 14-февралдин 16-февралғичә давам қилиду.

Пикирләр (0)
Share
Толуқ бәт