Istanbuldiki dunya musulmanliri yighinida Uyghur mesilisi otturigha qoyuldi

Ixtiyariy muxbirimiz arslan
2016-03-09
Élxet
Pikir
Share
Print
"Dunya musulmanlirining ehwali" namliq yighindin körünüsh. 2016-Yili 6-mart, istanbul.
"Dunya musulmanlirining ehwali" namliq yighindin körünüsh. 2016-Yili 6-mart, istanbul.
RFA/Arslan

6-Mart merkizi istanbulgha jaylashqan "Oqur jem'iyiti" uyushturghan "Dunya musulmanlirining ehwali" namliq yighinda Uyghur, süriye musulmanlirining ehwali toghrisida söz qilindi.

Yighinda Uyghurlargha alaqidar sherqiy türkistan ma'arip we hemkarliq jem'iyitining bash katipi abdul'ehed abduraxman söz qildi.

Yighinda söz qilghan adem sözkesen ependi bu yighinning ehmiyiti we Uyghur qatarliq zulumgha uchrawatqan musulmanlar toghrisida toxtilip mundaq dédi: "Hemmimizge melum bolghinidek, bosniye, chéchéniye, keshmir, sherqiy türkistan qatarliq onlighan dölet we rayonlarda musulmanlar bügünki 21-esirning fir'ewinliri teripidin qetli qiliniwatidu.

Zulumni tüp yiltizidin qomurup tashlashning, mezlumlarni tügitishning birdin-bir charisi, qérindashliqimizni qaytidin közdin kechürüp bir-birimizge bolghan qérindashliqni küchlendürüshtin ibaret."

Adem sözkesen ependi sözide yene, Uyghur qatarliq mezlum musulmanlarning üstidin yürgüzülüwatqan zulumgha xatime bérish üchün ularning yénida bolup qérindashliq burchini ada qilish kéreklikini tekitlidi.

Yighinda yene, Uyghurlar we araqan musulmanlirigha alaqidar teyyarlan'ghan höjjetlik filim qoyuldi.

Filimda xitayning Uyghurlarning diniy, milliy we medeniyet örp-adetlirini yoqitishqa urunuwatqanliqi xitay hakimiyitining Uyghur diyarini ishghal qilghandin bashlap Uyghurlar üstidin assimilyatsiye siyasiti yürgüzüwatqanliqi emeliy körünüshler we pakitlar bilen teswirlen'gen.

Biz bu yighin toghrisida melumat élish üchün yighinda söz qilghan abdul'ehed abduraxman bilen söhbet élip barduq. Abdul'ehed ependi bu xil yighinlarning türkiyede köplep échilishining ehmiyiti toghrisida toxtaldi.

Uning bildürüshiche, yighin'gha ilim we medeniyet oqur jem'iyitining ezaliri bolup ming etrapida adem qatnashqan.

Xelq'ara munasiwetler mutexessisi bin'gal araqan wekili muhemmed abed éli ependi araqan musulmanliri toghrisida söz qildi.

Istanbul fatih sultan mehmet uniwérsitéti oqutquchisi mehmut nuriddin shaban we zhurnalist tetqiqatchi ümid erdoghan ependiler, süriye musulmanlirigha alaqidar söz qildi.

Toluq bet