Uyghurlar enqerede katta iptar ziyapiti berdi

4-Awghust küni enqerediki Uyghurlar ammiwi teshkilat rehberliri we Uyghurlarning dostlirigha katta iptar ziyapiti berdi. Bu iptar ziyapitige türk ammiwi teshkilatliri mes'ulliri bilen birlikte qirghiz, afghanistandin kelgen türkiy milletlerning ammiwi teshkilatliri mes'ulliri, ezerbeyjan ammiwi teshkilatliri mes'ulliri, Uyghurlarni qollap kéliwatqan türkler we enqerediki Uyghurlardin bolup köp sanda kishi qatnashti. Iptar ziyapitide dastixan'gha chöchüre, samsa, polugha oxshash leziz Uyghur tamaqliri tartildi. Ziyapet axirida ziyapet ehli qur'ani kérim oqup Uyghurlarning erkinliki yolida jénidin ayrilghan shéhitler rohigha atap du'a qilishti.

Iptar jeryanida sherqiy türkistan medeniyet we hemkarliq jem'iyiti re'isi xeyrullah efendigil ependi Uyghurlarning hazirqi ehwali heqqide qisqiche melumat berdi. Biz iptar jeryanida iptargha ishtirak qilghan kishilerge mikrofonimizni uzattuq.