Gollandiyediki Uyghurlar türk qérindashlirigha iptarliq berdi

Ixtiyariy muxbirimiz pida'iy
2015.07.10
gollandiyediki-uyghur-jamaiti-qiyamunleyli-de-2015.jpg Gollandiyediki Uyghur jama'iti qiyam namizida
RFA/Pidaiy


Gollandiyediki Uyghurlar 2015 - yili 4 - iyul iptardin 5 - iyul sohurghiche élip bérilghan pa'aliyette, gollandiyediki türk, noghay we bosnaliq musulman qérindashlargha iptarliq ziyapiti berdi.

Pa'aliyetke gollandiyediki “Milliy görüsh” teshkilatining sherq we gherb mes'ulliri, noghay türkliri we bosnaliq muxlislar qatnashti. Iptardin ilgiri öz - ara tonushush, qérindashliqni kücheytish we ramizanliq peziletlerdin behrimen bolushning hékmetliridin tewsiyiler anglitildi.

Gollandiyediki Uyghur jama'iti suxurluq üchün ghizalanmaqta
Gollandiyediki Uyghur jama'iti suxurluq üchün ghizalanmaqta

Pa'aliyette, “Milliy görüsh” teshkilatining mes'ulliri söz qilip, Uyghurlarning gollandiyede telim - terbiye ishliri üchün muqim bir yer tutup, ewladlirini öz milliy kültiride terbiyileshke ehmiyet bergenlikini maxtidi we mezkur orunning sétiwélinish ishlirida qolidin kélidighanliki yardemlirini ayimaydighanliqini bildürdi.

“Qur'an kerim” tilawiti, ilahiy naxshilar, xalis du'alar, namaz we wez - nesihetler bilen pütün kéchini menilik ötküzgen Uyghurlar özlirining hés - tuyghulirini radi'o anglighuchilirimiz bilen ortaqlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.