Гума пичақлиқ һуҗум вәқәсиниң тәпсилати ашкариланди (1)

Мухбиримиз шөһрәт һошур
2017-02-22
Share
guma-qarshiliq-herbiy-5.jpg Гума пичақлиқ һуҗум вәқәсидин кейин хотән тәвәсигә киргүзүлгән броневиклардин бири. 2017-Йили феврал.
ts.cn

Һуҗумчилар гума пичақлиқ һуҗумини дохтурханидин чиқип вә етизидин қайтип елип барған

Ашкарилинишичә, 14 ‏- феврал күни гума наһийисидә йүз бәргән пичақлиқ һуҗум өмәр абдурахман, мәмтимин абдурахман вә әхмәт ели қатарлиқ 3 киши тәрипидин елип берилған. Вәқә йүз бериштин 2 саәт бурун парникқа су тутуш үчүн етизлиққа барған өмәр абдурахман өзлириниң сақчилар тәрипидин чақиртилғанлиқидин хәвәр тапқан вә етиз бешидин қайтқан. У, бу әһвални дохтурханида давалиниватқан дости әхмәт әлигә билдүргән. Әхмәт ели биликидики окулни юлуп ташлап дохтурханидин чиқип кәткән. Аридин бир саәт өткәндә йәни сақчилар тәрипидин издиливатқан пурсәттә бу 3 сәпдаш мотсиклит билән гума базирида пәйда болуп, мәзкур һуҗумни елип барған. Һуҗумда баҗ идарисиниң бир хадими вә наһийилик интизам тәкшүрүш комитети секретариниң аяли қатарлиқ 6 нәпәр хитай көчмән өлгән. Һуҗумчилар нәқ мәйданда етиветилгән.

Мәзкур һуҗумниң келип чиқишиға, бир күн аввал йеңи базар кәнтидә йүз бәргән бир аилә кишилириниң аталмиш қанунсиз топлишип намаз оқуши, бу ибадәтни кәнт хизмәт гурупписиниң қопаллиқ билән тосуши вә сақчи чақирип келиши сәвәб болған. Бу һәқтики мәлуматлар әтики программимизда берилиду.

Юқиридики аваз улинишидин бүгүнки программиниң тәпсилатини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт