Гума пичақлиқ һуҗум вәқәсиниң тәпсилати ашкариланди (2)

Мухбиримиз шөһрәт һошур
2017-02-23
Елхәт
Пикир
Share
Принт
Шаяр наһийәсидә чеқиветилгән мәсчит. 2016-Йили күз.
Шаяр наһийәсидә чеқиветилгән мәсчит. 2016-Йили күз.
Oqurmen Teminligen

Һуҗумға аилидә топлинип намаз оқушниң тосулуши түрткә болған

Бир компартийә әзасиниң ашкарилишичә, 14-феврал күни гума наһийисидә йүз бәргән пичақлиқ һуҗумдин бир күн аввал, өй тәкшүрүш елип бериватқан бир хизмәт гурупписи йеңи базар кәнтидә олтурушлуқ абдурахман рәһмитулла аилисидики 8 кишиниң топлинип намаз оқуватқанлиқини байқиған, гуруппа бу аилидикиләрни қилмиши үчүн сорақ қилиш билән бирликтә, әһвални сақчиға мәлум қилған. Сақчилар уларни базарлиқ сиясий қанун комитетида бирқанчә саәт сорақ қилғандин кейин вақитлиқ қоюп бәргән. Мәзкур аилидики ака-укилардин өмәр абдурахман (25) билән мәмтимин абдурахман (21) әтиси сақчиханиға рәсмий чақиртилған. Өмриниң түрмидә хорайдиғанлиқини тәхмин қилған ака-укилар дости әхмәт әли (21) билән бирликтә, сақчиларниң қолиға чүшүштин аввал гума базиридики хитай көчмәнлиригә һуҗум қилған.

Юқириқи учурлардин башқа, өзини ашкарилашни халимиған бир кәнт кадириниң баян қилишичә, һуҗум уштумтут қозғалған, қозғилишқа хитай сақчи вә кадирлириниң абдурахман рәһмитулла аилисидә өй тәкшүрүш елип барған чағдики зораванлиқи, шундақла мәзкур ака-укиларниң аталмиш қанунсиз намаз оқуғанлиқи үчүн 10 йилларчә кесилиш еһтимали сәвәб болған.

Мустәқил көзәткүчиләр, хитайниң уйғур районида елип бериватқан чәктин ашқан бастуруш сияситиниң шиддәтлик қаршилиқларға сәвәб болидиғанлиқини йиллардин бери тәкитләп келиватқан иди.

Пикирләр (0)
Share
Толуқ бәт