Zhurnalist sirajidin ezizi: Uyghurlarning hej qilishi tolimu tes boluwatidu
2014.09.12
Hej islam dinidiki besh perzning beshinchisi, hejni allah ta'alah peyghemberi muhemmed eleyhissalam arqiliq bendilirige éniq qilip perz qilip békitken. Hej ibaditi deslipide hijriyining 5 - yilida yeni miladiye 626 - yili 12 - ayda bashlan'ghan. Miladiye 630 - yili muhemmed peyghember eleyhissalam mekke mukerremge on minggha yéqin musulmanni bashlap hej qilghan. Mushu qétimqi axiriqi hejde peyghember eleyhissalam hejning qa'ide - yosunlirini éniq qilip körsitip bergen. Shuningdin bashlap hej musulmanlargha éniq perz qilip békitilgen. Hejining musulmanlargha perz bolushi “Qur'an kerim”de bir qanche jayda éniq éytilghan.
Shunga Uyghurlar, esirler boyi özliri étiqad qilip kéliwatqan islam dinining bu perzni ada qilish üchün tarixtin béri hej tawap pa'aliyitini dawamlashturup kéliwatqan bolsimu, emma yéqinqi bir qanche yillardin buyan xitay kompartiyisining Uyghurlarning diniy étiqadini qattiq basturush siyasitining zerbiside Uyghurlarning hej tawap qilishi yildin - yilgha qatmu - qat siyasiy tosaqlargha uchrimaqta.
Nöwette bu yilqi hej pa'aliyitige qatnishish üchün Uyghur élidin hökümetning teshkilishi bilen we shundaqla her - xil yollar arqiliq mekke, medinige yétip barghan Uyghur hej qilghuchilarning omumiy ehwali toghrisida bezi bir melumatlargha érishish üchün yaponiyediki ixtiyariy muxbirimiz haji qutluq qadiri hazir mekke shehiride hijirette yashawatqan zhurnalist sirajidin ezizi bilen téléfon söhbiti élip bardi.
Yuqiriqi awaz ulinishidin tepsilatini anglang.