Doktor abdulhemit awshar: xitay Uyghurlarni assimilyatsiye qilish üchün diniy étiqadigha hujum qiliwatidu

Ixtiyariy muxbirimiz arslan
2016-06-16
Share
gercek-hayat-jurnilidin-ariye-kurunush.jpg "Heqiqiy hayat" namliq zhurnalning shu namliq temidiki dr. Abdulhamit awsharning ziyaret xatirisidin süretke élin'ghan.
RFA/Arslan

Türkiyede chiqidighan "Heqiqiy hayat" dégen zhurnalning bu ayliq sanida: "Xitay Uyghurlarni assimilyatsiye qilish üchün diniy étiqadigha hujum qiliwatidu" dégen témida bir ziyaret xatirisi élan qilindi. Bu ziyaret xatirisi "Heqiqiy hayat" zhurnilining muxbiri mehmet'imin talashning, sherqiy türkistan wexpining mu'awin re'isi doktor abdulhemit awshar bilen Uyghur mesilisi toghrisida élip barghan söhbet xatirisini öz ichige alghan.

Ziyaret xatiriside xitay hakimiyitining ramzan éyining bashlinishi bilen teng ötken yildikige oxshash bu yilmu Uyghur musulmanlirigha cheklime qoyghanliqi, xitay saqchiliri aldigha kelgen her qandaq Uyghurni soraqqa tartiwatqanliqi, kadirlar, oqughuchilar, eskerler, ishchi - xizmetchilerning roza tutushining cheklen'genliki bildürüldi.

Ziyaret xatiriside yene, ramzan mezgilide Uyghurlar achqan yémeklik dukanlirining taqalmastin ochuq tutushqa mejburlan'ghanliqi bildürüldi.

Ziyaret xatiriside yene taylandta tutup turuluwatqan Uyghurlarmu tilgha élin'ghan bolup, xitayning bésim siyasiti netijiside taylandqa qéchip panahliq telep qilghan Uyghurlarning sewebsiz bigunah halda türmige qamalghanliqi ipadilen'gen.

Doktor abdulhemit awshar muxbirning Uyghurlar toghrisidiki so'aligha jawab bérip mundaq dédi: "Xitay Uyghurlardin we musulmanlardin qorqidu, shuning üchün Uyghurlarni bir sheklide kontrol astida tutushqa urunmaqta. Uyghurlar musulmanliq étiqadini dawam qilghan muddetkiche ularni assimilyatsiye qilish mumkin emes. Shuning üchün xitay Uyghurlarning dinini yoqitishni meqset qilmaqta."

Biz bu ziyaret xatirisini chöridigen asasta sherqiy türkistan wexpining mu'awin re'isi doktor abdulhemit awsharni ziyaret qilduq.

Doktor abdulhemit awshar Uyghurlar toghrisida sorighan bir qatar so'allirimizgha etrapliq jawab berdi.

Bu heqtiki söhbitimizning tepsilatini awazliq ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.