Хотән керийәниң сийәк йезисида бир аял тутқунниң өлгәнлики ашкариланмақта

Мухбиримиз шөһрәт һошур
2014.12.16
xoten-baziri-uyhgur-weziyiti.jpg Хотән базириниң көрүнүши. 2013-Йили 6-ноябир, хотән.
AFP

Иҗтимаий таратқуларда бирқанчә күндин бери керийәниң сийәк йезисида бир аял тутқунниң өлгәнлики һәққидә учур тарқалмақта. Учурда баян қилинишичә, уйғур районида йеңидин бәлгиләнгән диний чәклимиләрни керийәниң сийәк йезисида иҗра қилиш давамида аһалиләр билән сақчилар арисида арқа-арқидин тиркишиш вә тоқунуш әһваллири келип чиққан, ақивәттә мушу айниң 8-күни бир аял тутқун һаятидин айрилған. Әмма учурда өлгүчиниң кимлики вә өлүмни кәлтүрүп чиқарған конкрет сәвәб баян қилинмиған.

Мухбиримизниң бу йип учиға асасән игилишичә, сийәк йезисида йеқинқи 6 ай ичидә 50дин артуқ яш сиясий вә диний сәвәб билән тутқун қилинған, нөвәттә наһийилик қамақханида тутуп турулуватқан бу тутқунларниң ичидә 4 нәпири аял. Мухбиримизниң зияритини қобул қилған йезилиқ сақчи хадимлири вә кәнт мәсуллири, сийәк йезисиниң көкмәт кәнтидин болған бир аял тутқунниң өлгәнликини ашкарилиди. Әмма, буларму аялниң кимлики вә өлүминиң сәвәби һәққидә мәлумат берәлмиди.

Аваз улинишидин мухбиримизниң бу һәқтә игилигән учурлирини аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.