Doktor maysem mutellipowa: "Men peqet Uyghurluq qerzimni ada qiliwatimen!"

Muxbirimiz méhriban
2019-11-07
Élxet
Pikir
Share
Print
Alime maysem mutellipowa xanim xarward uniwérsitétida yalghuz kishilik namayishni dawam qilmaqta.
Alime maysem mutellipowa xanim xarward uniwérsitétida yalghuz kishilik namayishni dawam qilmaqta.
RFA/Eziz

Doktor maysem mutellipowa amérikadiki eng nopuzluq aliy mekteplerdin biri bolghan masachusséts téxnologiye instituti (MIT) ghol hüjeyre tetqiqat merkizining diréktori. U yene zamanimizdiki xelq'aragha tonulghan Uyghur alimesi. Maysem xanimning bir alime we yuqiri sewiyelik tebi'iy tetqiqatchisi bolupla qalmastin, belki Uyghur xelqining nöwette duch kéliwatqan paji'elik réyalliqini dunyagha anglitish yolidiki tirishchanliqliri nurghun kishilerni tesirlendürmekte.

Maysem xanim tetqiqat xizmitining shunche aldirashliqigha qarimay, bu yil etiyazdin bashlap özining shenbe we yekshenbilik dem élish künliride bostundiki xarward uniwérsitétining meydanida yalghuz kishilik namayish ötküzüp, Uyghur diyaridiki lagérlar we lagérlardiki Uyghur tutqunlarning échinishliq ehwalini anglitip kelmekte.

Melum bolushiche, u yéqindin buyan bostundiki xongkongluq, tibetlik we teywenlik pa'aliyetchiler bilen birlikte xitay hökümitining mustebit siyasitige qarshi birleshme naraziliq pa'aliyetlirini uyushturmaqtiken. U yene amérika dölet mejlisining kéngesh palata we awam palata ezalirigha xet yézip, Uyghurlarning nöwettiki weziyitini anglitish herikitini bashlighan.

Radiyomiz ziyaritini qobul qilghan maysem xanim öz pa'aliyetliri heqqide toxtilip, "Men peqet bir Uyghurluq qerzimni ada qiliwatimen. Men téximu köp Uyghur ziyaliylirining bu sepke qoshulushini ümid qilimen," dédi.

Tepsilatini yuqiriqi awaz ulinishtin anglighaysiz.

Toluq bet