Д у қ рәиси долқун әйса логано шәһәр башлиқидин бейҗиң билән болған “достлуқ мунасивити” ни үзүшни тәләп қилған

Ихтиярий мухбиримиз әкрәм
2021-11-05
Share
Д у қ рәиси долқун әйса логано шәһәр башлиқидин бейҗиң билән болған “достлуқ мунасивити” ни үзүшни тәләп қилған Д у қ рәиси долқун әйса әпәнди башчилиқидики уйғур вәкиллириниң логано шәһириниң шәһәр башлиқи филиппо ломбарди әпәнди(оттурида) билән көрүшти. 2021-Йили 3-ноябир, логано, шиветсарийә.
RFA/Ekrem

3-Ноябир күни шиветсарийәдә нәширдин чиқидиған “RSI” хәвәрләр қанили “уйғур вәкилләр өмики логанода” намлиқ бир хәвәр елан қилди. Хәвәрдә д у қ рәиси долқун әйса әпәнди башчилиқидики уйғур вәкиллириниң логано шәһириниң шәһәр башлиқи филиппо ломбарди әпәнди билән көрүшүп, логано билән бейҗиңниң “достлуқ мунасивити” ни әмәлдин қалдурушни тәләп қилғанлиқи сөз беши қилинған иди.

Д у қ рәиси долқун әйса әпәнди логано шәһириниң шәһиридә.  2021-Йили 3-ноябир, шиветсарийә.
Д у қ рәиси долқун әйса әпәнди логано шәһириниң шәһиридә. 2021-Йили 3-ноябир, шиветсарийә.

Хәвәрдә мундақ дейилгән: “3-ноябир (чаршәнбә) күни, уйғур вәкиллири логано шәһәрлик һөкүмәтни зиярәт қилди. Бир саәт әтрапида давам қилған ғәйри рәсмий сөһбәттә, уйғур вәкиллири логано шәһриниң бейҗиң билән болған мунасивитини үзүшни тәләп қилди. Д у қ рәиси долқун әйса әпәнди сөһбәт әснасида ‛логанониң хитай билән болған мунасивити кишиләргә яман тәсир бериду. Чүнки бейҗиң һөкүмити бизниң миллитимиз үстидин ирқий қирғинчилиқ елип бармақта. Биз бүгүн силәргә хәлқимиз учраватқан зораванлиқлар тоғрисида мәлумат бәрдуқ. Бейҗиңниң җинайәтлиригә даир дәлилләр, хитайниң һөрмәт көзи билән қарашқа лайиқ әмәсликини испатлайду‚ дегәнләрни тилға алди.”

1-Вә 2-ноябир күнлири шиветсарийәниң җәнвә шәһиридә өткүзүлгән “җәнвә мунбири 2021” йиғиниға қатнишиватқан д у қ рәиси долқун әйса әпәнди, 3-ноябир күни шиветсарийә уйғур җәмийитиниң рәиси андели әпәнди билән биргә шиветсарийәниң логано шәһригә берип, шәһәр башлиқи филиппо ломбарди әпәнди билән көрүшкән иди. Бүгүн логанодин зияритимизни қобул қилған долқун әйса әпәнди, алди билән бу қетимқи логано зияритиниң җәряни һәққидә тохтилип өтти. Долқун әйса әпәнди бу қетимқи зияритидә уйғурлар мәсилисидин йетәрлик хәвири болмиған шәһәр башлиқи филиппо ломбарди әпәндигә нөвәттә шәрқий түркистанда давам қиливатқан “инсанийәткә қарши җинайәт” вә “ирқий қирғинчилиқ” тоғрисида тәпсилий чүшәнчә бәргән.

Шиветсарийә уйғур җәмийитиниң рәиси андели әпәнди бу һәқтә тохталғанда, шәһәр башлиқи филиппо ломбарди әпәнди билән болған бу сөһбәтниң наһайити яхши өткүзүлгәнликини тилға алди.

Бу қетимқи сөһбәт шиветсарийәниң қәдимий мәдәнийәт шәһәрлиридин бири болған логанода нәширдин чиқидиған италиян тилидики ахбарат вастилирида кәң тәшвиқ қилинған. “тичино почта гезити” 4-ноябир елан қилған “логано уйғурларға ярдәм қилалмиғудәк дәриҗидики кичик шәһәр әмәс” намлиқ хәвәрму уйғур вәкиллириниң логанониң шәһәр башлиқи филиппо ломбарди билән елип барған сөһбитигә беғишланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт