Dru pawlow: “Xitayning Uyghur we bashqa xelqlerge séliwatqan zulumi toxtimighiche, méning namayishlirimmu toxtimaydu”

Muxbirimiz nur'iman
2022.07.08
Xiao-Qian-drew-pavlou.jpg Dru pawlow Uyghur kishilik hoquq pa'aliyitide nutuq sözlimekte. 2020-Yili 1-ay, awistraliye, brisban
AP

Awstraliye erkinlik partiyesining qurghuchisi, yash siyasiy pa'aliyetchi dru pawlow (Drew Pavlou ) ning isimi Uyghur, tibet we xongkungluqlargha natonush emes. 2020-Yili awstraliye kwénislend uniwérsitéti pelsepe fakultétining 4-yilliq oqughuchisi bolghan dru pawlow özining twittér hésabi arqiliq kwénislend uniwérsitétining xitay bilen bolghan iqtisadiy alaqisini üzüshni telep qilghanliqi, shundaqla Uyghur, tibet we xongkongluqlarni qollighanliqi üchün mekteptin toxtitip qoyulghanidi. 

U shuningdin kéyin, Uyghur, tibet we xo'okungluqlar üchün awstraliyening her xil orunlirida üzlüksiz namayish qilip kelgen, awstraliye xelqi we hökümitini xitay tehditidin agahlandurushni dawamlashturup kelgen.

Dru pawlow Uyghur kishilik hoquq pa'aliyitide nutuq sözlimekte.  2020-Yili 1-ay, awistraliye, brisban
Dru pawlow Uyghur kishilik hoquq pa'aliyitide nutuq sözlimekte. 2020-Yili 1-ay, awistraliye, brisban
Wikipedia

24-Iyun küni xitayning awstraliyede turushluq bash elchisi shyaw chyen awstraliye-xitay munasiwetliri instituti teripidin sidnéy téxnika uniwérsitétida ötküzülgen söhbet programmisigha teklip qilin'ghan. Ashu küni dru pawlow we uning goruppisidikiler neq meydan'ghan bérip, Uyghur, tibet we xongkungluqlar üchün adalet telep qilip sho'ar towlighan. Ularning shu'arliri xitay bash elchisi shyaw chyenning yérim sa'etlik nutuqini 8 qétim toxtitishqa mejbur qilghan. Bu weqe “Niyu-york waqti géziti” dimu xewer qilin'ghan. 

30-Iyun küni “Xelq'ara waskétbol birleshmisi” (FIBA) ning dunya longqisini talishish musabiqisi awstraliyening mélburn shehiride ötküzülgen. Musabiqe jeryanida dru pawlow xitayning Uyghurlargha séliwatqan zulumlirini toxtitish we xongkongning musteqilliqini Qollash heqqide sho'ar towlighan. Shu sewebtin u saqchilar teripidin musabiqe meydanidin chiqiriwétilgen.

Dru pawlow amanliq saqlighuchilar teripidin “Xelq'ara waskétbol birleshmisi” (FIBA) ning dunya longqisini talishish musabiqe meydanidin mejburiy chiqiriwétildi. 2022-Yil 30-iyun, mélburn.

Dru pawlow amanliq saqlighuchilar teripidin “Xelq'ara waskétbol birleshmisi” (FIBA) ning dunya longqisini talishish musabiqe meydanidin mejburiy chiqiriwétildi. 2022-Yil 30-iyun, mélburn.

Dru pawlow  musabiqe meydandin chiqiriwétilgendin kéyinmu meydan sirtida namayishini dawam qilghan. U radiyomizning ziyaritini qobul qilip, özining bu türdiki naraziliq namayishlirini xitay hökümiti Uyghurlargha we bashqa milletlerge séliwatqan zulUmlirini toxtatmighiche, qet'iy dawamlashturu'idighanliqini bildürdi. 

Töwende dru pawlow bilen ötküzgen söhbétimizning tepsilatini anglighaysiler. 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.