Д у қ рәиси долқун әйса германийә вә американиң дөләт рәһбәрлири билән учрашти

Ихтиярий мухбиримиз әкрәм
2019-11-08
Елхәт
Пикир
Share
Принт
Д у қ рәиси долқун әйса әпәнди германийә пайтәхти берлинда уюштурулған «көрбер дуня лидерлири диалоги» намлиқ йиғинда американиң ташқий ишлар министери помпейо әпәнди билән биргә. 2019-Йили 8-ноябир. Берлин, германийә.
Д у қ рәиси долқун әйса әпәнди германийә пайтәхти берлинда уюштурулған «көрбер дуня лидерлири диалоги» намлиқ йиғинда американиң ташқий ишлар министери помпейо әпәнди билән биргә. 2019-Йили 8-ноябир. Берлин, германийә.
Photo: RFA

Бүгүн, йәни 8-ноябир күни д у қ рәиси долқун әйса әпәнди германийә пайтәхти берлинда германийә вә американиң дөләт рәһбәрлири билән учрашти.

Д у қ рәиси долқун әйса әпәндиниң бүгүн германийә пайтәхти берлиндин бәргән мәлуматлириға асасланғанда, «берлин теми» йиқилғанлиқиниң 30 йиллиқи мунасивети билән мәркизи берлиндики «көрбер җәмийити» тәрипидин уюштурулған «көрбер дуня лидерлири диялоги» намлиқ йиғинда у американиң ташқий ишлар министери помпейо вә германийәниң сабиқ презденти киристиян волф қатарлиқ дөләт әрбаблири билән учрашқан. 

Мәлум болғинидәк, 1989-йили 11-айниң 9-күни ғәрбий германийә вә шәрқий германийәни айрип турған «берлин теми» ғулиған күн болуп, бу күнни хатириләш мунасивети билән уюштурулған мәзкур йиғинға көплигән дөләтләрниң муһим әрбаблири қатнашқан.

Йиғинда америка ташқий ишлар министери майк помпейо әпәнди коммунизим лагериниң ғулиши вә демократийәниң ғәлибиси тоғрилиқ нутуқ сөзлигән. У сөзидә йәнә уйғурлар мәсилисини алаһидә тилға елип өткән. Униң нутуқидин кейин соал-җаваблар болған. 

300 Дин артуқ юқири дәриҗилик дөләт әрбаблири иштирак қилған бу йиғинға д у қ рәиси долқун әйса әпәндиму тәклипкә бинаән қатнашқан болуп, у йиғинда помпейо әпәндидин уйғурлар вә җаза лагерлириға мунасивәтлик 2 соал сораш пурситиға еришкән. 

Бу йиғинда йәнә хоңкоң мәсилиси, сүрийә мәсилиси вә нато тоғрулуқму соал-җаваплар, бәс-муназириләр болуп өткән. 

Йиғиндин кейин долқун әйса әпәнди америка ташқий ишлар министери майк помпейо билән көрүшкәндә униң җаза лагерлиридики уйғурларниң әркинлики үчүн көрситиватқан тиришчанлиқиға рәһмәтләр ейтқан. 

Долқун әйса әпәнди бу йиғин җәрянида йәнә германийәниң сабиқ презденти киристиян волф вә бәзи министерлири билән учришип, җаза лагерлири вә уйғурларниң еғир вәзийити тоғрисида мәлумат бәргән.

Пикирләр (0)
Share
Толуқ бәт