D u q hey'iti awstraliye parlamént ezaliridin awstraliyening Uyghur irqiy qirghinchiliqi toghriliq qarar chiqirishini telep qildi

Ixtiyariy muxbirimiz erkin tarim
2022.11.23
Share on WhatsApp
Share on WhatsApp
duq-awstraliye-1.jpg Dunya Uyghur qurultiyi we awstraliyediki Uyghur jem'iyetlirining mes'ulliri awstraliye parlaméntida parlamént ezaliri we hökümet rehberliri bilen uchrashti. 2022-Yili 23-noyabir.
RFA/Erkin Tarim

Dunya Uyghur qurultiyi we awstraliyediki Uyghur jem'iyetlirining mes'ulliridin terkib tapqan bir hey'et, 11-ayning 23-küni awstraliye parlaméntida 12 neper parlamént ezasi we hökümet rehberliri bilen uchriship bir qatar teleplirini yetküzgen.

D u q re'isi dolqun eysa ependi bashchiliqidiki hey'et we awstraliyening her qaysi jayliridin kelgen 70 tek Uyghur jama'iti awstraliye paytexti kambéra shehirige jem bolup namayish qilghan. Ular yene awstraliye parlaméntida guwahliq bergen, hökümet xadimliri we parlamént ezaliri bilen uchrashqan.

D u q rehberliri, lagér shahitliri we awstraliyede pa'aliyet élip bériwatqan sherqiy türkistan ammiwiy teshkilatlirining rehberliridin terkib tapqan bir hey'et awstraliye parlaméntidiki öktichi partiyelerning rehberliridin pétér dutton (Peter Dutton), libéral partiyesining parlamént ezasi jeymis patérson (James Paterson), parlamént ezasi andréw xasté (Andrew Hastie), kayléya tink ( Kyle’a Tink) qatarliqlar bilen körüshken hemde Uyghurlarning nöwe'ettiki jiddiy ehwalini anglatqan.

Dunya Uyghur qurultiyi we awstraliyediki Uyghur jem'iyetlirining mes'ulliri awstraliye parlaméntida parlamént ezaliri we hökümet rehberliri bilen uchrashti. 2022-Yili 23-noyabir.

Dolqun eysa ependi aldi bilen awstraliyede élip bériwatqan ziyaretning meqsiti toghrisida melumat berdi. U mundaq dédi: “Bu qétimqi awstraliye ziyaritimizning asasiy meqsiti, londondiki ‛Uyghur sot kollégiyesi‚ ning qarari chiqqandin buyan dunya Uyghur qurultiyi herqaysi döletlerni ziyaret qilip, Uyghur qirghinchiliqini téxi tonumighan parlaméntlargha we parlamént ezalirigha anglitip we Uyghur irqiy qirghinchiliqini qobul qildurup, hökümetlerning bu heqte heriketke ötüshini telep qilish üchündur. Bu xususta ikki neper lagér shahitini élip, d u q hey'iti awstraliyege kelduq.”

Awstraliye “Tengritagh Uyghur xanim-qizlar uyushmisi” ning bash katipi helime xanim ziyaritimizni qobul qilip, d u q hey'itining awstraliye parlaménti we hökümet xadimlirigha sun'ghan telepliri heqqide toxtaldi. U mundaq dédi: “Bu qétim asasliq 3 ishni telep qilduq. Birinchisi, awstraliye hökümitining Uyghurlar üstide boluwatqan zulumni irqiy qirghinchiliq dep étirap qilishini, ikkinchisi, mejburiy emgek bilen ishlepchiqirilghan mallarning awstraliyege kirishini chekleshni telep qilduq. Burun bu qanun otturigha qoyulghan idi. Lékin yoquri palatadin ötüp bolghan bolsimu, töwen palatadin ötküzülidighan waqtida hökümet chüshüp kétip, saylamdin kéyin yéngi hökümet teshkillen'gen idi. Biz bu qanunning maqullinishini qayta telep qilduq. Üchinchisi, wetinidin ayrilishqa mejbur bolghan Uyghurlarni awstraliye hökümitining köchmen qilip qobul qilishini telep qilduq.”

Dunya Uyghur qurultiyi we awstraliyediki Uyghur jem'iyetlirining mes'ulliri awstraliye parlaméntida parlamént ezaliri we hökümet rehberliri bilen uchrashti. 2022-Yili 23-noyabir.

Dunya Uyghur qurultiyining programma diréktori zumret'ay erkin xanim awstralye parlaméntida herqaysi partiyelerning parlamént ezalirimu ishtirak qilghan uchrishlar ötküzülgenlikini, uchrishishta d u q re'isi dolqun eysaning teleplerni awstraliye hökümiti we parlamént ezalirigha yetküzgenlikini bayan qildi.

D u q re'isi dolqun eysa bashchiliqidiki hey'et awstraliyediki 10 künlük ziyariti jeryanida, sidnéy, mélborun we adélayd qatarliq Uyghurlar bir qeder zich olturaqlashqan sheherlerdiki sherqiy türkistanliqlar bilen keng-kölemde uchrishish élip bérish bilen birlikte, yerlik parlamént we yerlik hökümetler bilenmu uchrishish élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.