Д у қ рәһбәрлири норвегийә һөкүмитидин “уйғур ирқий қирғинчилиқи” ни етирап қилишни тәләп қилған

Ихтиярий мухбиримиз әкрәм
2022-05-06
Share
Д у қ рәһбәрлири норвегийә һөкүмитидин “уйғур ирқий қирғинчилиқи” ни етирап қилишни тәләп қилған Д у қ ниң рәиси долқун әйса башчилиқидики вәкилләр норвегийәниң юқири дәриҗилик һөкүмәт хадимлири билән муһим учришишларни өткүзди. 2022-Йили май.
RFA/Ekrem

Д у қ рәһбәрлири норвегийә һөкүмитидин “уйғур ирқий қирғинчилиқи” ни етирап қилишни вә уйғурлар мәсилисини б д т бихәтәрлик кеңишигә елип киришни тәләп қилған.

5-Майдин етибарән норвегийә зияритини башлиған д у қ рәһбәрлири бүгүн норвегийә ташқи ишлар министирлиқи хадимлири, норвегийә парламент әзалири вә хәлқара кәчүрүм тәшкилати норвегийә тармиқиниң рәһбәрлири билән көрүшүп, “уйғур сот коллегийәси” ниң “уйғур ирқий қирғинчилиқи” вә “инсанийәткә қарши җинайәт” қарарини етирап қилишни тәләп қилған. Улар йәнә норвегийә һөкүмитидин б д т бихәтәрлик кеңишиниң әзаси болуш сүпити билән уйғурлар мәсилисини б д т бихәтәрлик кеңишигә елип кириш үчүн күч чиқиришини үмид қилидиғанлиқини билдүргән.

Д у қ ниң рәиси долқун әйса башчилиқидики вәкилләр норвегийәниң юқири дәриҗилик һөкүмәт хадимлири билән муһим учришишларни өткүзди. 2022-Йили май.

Бүгүн, 6-май күни норвегийә пайтәхти ослодин зияритимизни қобул қилған д у қ рәиси долқун әйса әпәнди, норвегийә зияритиниң иккинчи күнидә елип барған паалийәтлириниң техиму мол мәзмунлуқ һәм нәтиҗилик болғанлиқини тилға алди. Д у қ программа йетәкчиси зумрәтай уйғурму бу қетимқи учришишта оттуриға қоюлған мәзмунлар һәққидә тохтилип өтти.

Бу қетимқи паалийәткә д у қ фондиниң рәиси абдуҗелил әмәт әпәндиму қатнашқан болуп, у сөһбәтләр әснасида норвегийә һөкүмәт хадимлириниң уйғурлар мәсилисигә алаһидә көңүл бөлидиғанлиқини ипадә қилғанлиқини вә бу һәқтә вәдиләр бәргәнликини әскәртти. Д у қ рәһбәрлириниң бу паалийәтлиригә йеқиндин һәмдәмдә болған норвегийә уйғур комитетиниң рәиси бәхтияр өмәр әпәнди болса, бу икки күнлүк паалийәт һәққидики қарашлирини хуласә қилип өтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт