Д у қ ниң түркийә, японийә вә австралйәдә өткүзүлгән 7-нөвәтлик вәкилләр сайлими мувәппәқийәтлик ахирлашқан

Ихтиярий мухбиримиз әркин тарим
2021-08-23
Share
Д у қ ниң түркийә, японийә вә австралйәдә өткүзүлгән 7-нөвәтлик вәкилләр сайлими мувәппәқийәтлик ахирлашқан Д у қ 7-нөвәтлик вәкилләр қурултийи вәкиллирини сайлаш паалийитидә уйғур академийәси вәхписиниң рәиси пәрһат қурбан тәңритағли әпәнди биләт ташлаватқан көрүнүш. 2021-Йили 22-авғуст, истанбул.
RFA/Erkin Tarim

Д у қ 7-нөвәтлик вәкилләр қурултийи тәйярлиқ комитети 22-авғуст күни түркийә, японийә вә австралийәдиму сайлам өткүзүп, 11-айда чақирилидиған қурултайниң вәкиллирини сайлап чиқти.

Дуня уйғур қурултийи 14-июл күни мәхсус баянат елан қилип, 7-нөвәтлик вәкилләр қурултийиниң 2021-йили 11-айниң 12-күнидин 14-күнигичә чехийә пайтәхти пирагада өткүзүлидиғанлиқини җакарлиғандин кейин, 7-нөвәтлик вәкилләр қурултийиниң тәйярлиқ хизмити җиддий түрдә башланған иди. Тәйярлиқ хизмәтлириниң тәртипигә бинаән, 22-авғуст күни башқа дөләтләрдә болғандәк түркийә, японийә вә австралийәдиму вәкилләр сайлими өткүзүлгән. Сайлам нәтиҗисидә түркийәдин 25, японийәдин 5, австралийәдин 17 нәпәр киши вәкил болуп сайланған.

Д у қ 7-нөвәтлик вәкилләр қурултийи вәкиллирини сайлаш паалийитидә японийә уйғур җәмийитиниң рәиси доктор абдулкерим абдурәһим әпәнди биләт ташлаватқан көрүнүш. 2021-Йили 22-авғуст, истанбул.
Д у қ 7-нөвәтлик вәкилләр қурултийи вәкиллирини сайлаш паалийитидә японийә уйғур җәмийитиниң рәиси доктор абдулкерим абдурәһим әпәнди биләт ташлаватқан көрүнүш. 2021-Йили 22-авғуст, истанбул.

Дуня уйғур қурултийи иҗраийә комитети бир айдин көпрәк вақиттин буян арқа-арқидин йиғин чақирип музакирә қилиш арқилиқ, 7-нөвәтлик вәкилләр қурултийи тәйярлиқ комитетлирини қуруп чиққан. 11-Айда өткүзүлмәкчи болған қурултайға вәкил болушни халайдиған 370 намзат илтимас қилған болуп, 22-авғуст күни 16 әтрапида дөләттә сайлам өткүзүп, буларниң ичидин 200 кишини вәкил қилип сайлап чиқилған. Буларниң ичидә түркийә, японийә вә австралийәдиму вәкилләр сайлап чиқилған.

Биз 22-авғуст күни өткүзүлгән вәкилләр сайлими һәққидә техиму тәпсилий мәлумат игиләш үчүн, истанбулда паалийәт елип бериватқан дуня уйғур қурултийи вәхписиниң рәиси абдурешит абдулхәмит әпәнди, уйғур академийәси вәхписиниң рәиси пәрһат қурбан тәңритағли әпәнди, японийә уйғур җәмийитиниң рәиси доктор абдулкерим абдурәһим әпәнди, австралийә уйғур җәмийитиниң муавин рәиси җүрәт әпәнди вә башқуруш һәйитиниң әзаси дилзат әпәндиләр билән сөһбәт елип бардуқ.

Бишкәктә өткүзүлгән д у қ 7-нөвәтлик вәкилләр қурултийи вәкиллирини сайлаш паалийитидин көрүнүш. 2021-Йили 22-авғуст, қирғизистан.
Бишкәктә өткүзүлгән д у қ 7-нөвәтлик вәкилләр қурултийи вәкиллирини сайлаш паалийитидин көрүнүш. 2021-Йили 22-авғуст, қирғизистан.

Абдурәшит абдулхәмит әпәнди истанбулда 3 районда сайлам сандуқи қоюп, 7-нөвәтлик дуня уйғур қурултийиға қатнишидиған 25 вәкилни сайлап чиққанлиқини билдүрди.

Японийә уйғур җәмийитиниң рәиси, доктор абдукерим абдурәһим әпәнди японийәдә 7-нөвәтлик қурултай вәкиллирини сайлаш ишиниң муваппәқийәтлик өткәнликини, көп санда уйғурниң биләт ташлиши билән 5 вәкилни сайлап чиққанлиқини баян қилди.

Австралийә уйғур җәмийитиниң рәиси җүрәт әпәнди австралийәдики 3 шәһәрдә сайлам елип бериш арқилиқ 17 вәкил сайлап чиқилғанлиқини баян қилди.

Түркийәдики сайлам сандуқлири қоюлған йәрләргә битәрәп көзәткүчиләр мәсул қилинған болуп, уйғурлар ташлиған беләтлирни улар санап чиққан. Битәрәп көзәткүчиләрдин уйғур вәхписиниң рәиси, доктор фәрһат қурбан тәңритағли әпәнди сайламниң демократийәлик усул билән елип берилғанлиқини оттуриға қойди.

Дуняниң һәрқайсий дөләтлиридә бу қетимқи қурултайға қатнишидиған 200 нәпәр рәсмий вәкил сайлап чиқилған. Қурултай низамнамиси бойичә, һәр үч йилда бир қетим откүзүлидиған вә әслидә 2020-йили 11-айда өткүзүш қарар қилинған 7-нөвәтлик вәкилләр қурултийи корона вабаси сәвәбидин кечиктүрүлгән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт