Dunya Uyghur qurultiyining londonda tarmaq ishxanisi échildi

9-Ayning 13-küni dunya Uyghur qurultiyi londonda tarmaq ishxanisining échilghanliqni élan qildi. Eslide d u q ning londondiki tarmaq ishxanisi buningdin xéli ilgirila xizmitini bashlighan bolsimu, emma korona wirusi yuqumi sewebidin uni resmiy élan qilish ishi keynige sürülüp ketken idi.

Dunya Uyghur qurultiyi londondiki tarmaq ishxanisining resmiy échilghanliqi munasiwiti bilen tebrik élan qilip, Uyghurlarning heq-hoquqi üchün küresh qiliwatqan herqaysiy sahelerdiki pa'aliyetchilerge, en'giliye parlamént ezalirigha hemde Uyghurlarni qollighuchi teshkilatlargha rehmitini bildürdi.

Radiyoyimiz ziyaritini qobul qilghan dunya Uyghur qurultiyining re'isi dolqun eysa ependi, d u q ning londondiki tarmaq ishxanisining échilish jeryani heqqide chüshenche berdi. U yene bu d u q ning bu tarmaq ishxanisini yenimu kéngeytish we xizmetlirini kücheytish toghriliqmu toxtilip ötti.

Dolqun eysa ependi yene dunyaning qaysi döletlerde d u q ning tarmaq ishxanilirining arqa-arqidin quruliwatqanliqi heqqide melumat berdi.

Radiyomiz ziyaritini qobul qilghan dunya Uyghur qurultiyi london ishxanisining mes'uli rehime mehmut xanim, Uyghur dewasining en'giliyediki tereqqiyat ehwali we d u q tarmaq ishxanisining xizmetliri heqqide sözlep ötti.

Hemmige melumki, dunya Uyghur qurultiyi 2004-yili gérmaniyening myunxén shehiride qurulghan idi. Shuningdin buyan dunya Uyghur qurultiyi muhajirettiki Uyghurlarning eng chong, tesiri eng küchlük teshkilatlirining bir süpitide xelq'arada muhim pa'aliyetlerni élip barmaqta. Londonda ötküzülgen "Uyghur sot kollégiyesi" ning ikki qétimliq guwahliq anglash yighinimu d u q ning tirishchanliqi bilen muweppeqiyetlik ötküzüldi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar