D u q ning Uyghur yashlirini terbiyelesh kursi türkiyening bursa shehride axirlashti

Ixtiyariy muxbirimiz erkin tarim
2022-03-28
Share
D u q ning Uyghur yashlirini terbiyelesh kursi türkiyening bursa shehride axirlashti D u q uyushturghan 2022-yilliq Uyghur yashlirini terbiyilesh kursining yépilish murasimidin körünüsh. 2022-Yili 27-mart, bursa, türkiye.
Photo: RFA

D u q uyushturghan 2022-yilliq Uyghur yashlirini terbiyelesh kursi 27-mart küni türkiyening bursa shehride axirlashti.

25-Marttin 27-martqiche bursadiki ramada méhmanxanisida ötküzülgen bu kursta gérmaniye, en'giliye we türkiyedin teklip qilin'ghan mutexessisler “Dunya Uyghur qurultiyining qurulushi we uning Uyghur dewasidiki roli”, “Sherqiy türkistanning mustemlike qilinishi we uning hazirqi qirghinchiliqtiki roli”, “Xelq'araliq teshebbus üchün istiratégiye chüshenchisini tereqqiy qildurush”, “Qandaq qilip ünümlük halda teshkilatlarni seperwer qilish: yehudi teshkilatlirining tarixi” dégendek témilarda doklat bergen. Arqidin mezkur kursqa ishtirak qilghan oqughuchilar bilen mezkur témilar boyiche muzakire élip bérilghan. Kursning axirqi küni guruppilar boyiche muzakire ötküzülüp, muzakire netijiliri otturigha qoyulghan.

Biz mezkur kurs toghrisida tepsiliy köz qarishini igilesh üchün d u q yashlarni terbiyelesh kursigha riyasetchilik qiliwatqan d u q yashlar komitétining mudiri erkin zunun, d u q yashlar komitétining ezasi abduqadir abdukérim we kursqa ishtirak qilghan bir qisim Uyghur oqughuchilar bilen söhbet élip barduq.

D u q uyushturghan 2022-yilliq Uyghur yashlirini terbiyilesh kursining yépilish murasimidin kursantlar xatire sürette. 2022-Yili 27-mart, bursa, türkiye.
D u q uyushturghan 2022-yilliq Uyghur yashlirini terbiyilesh kursining yépilish murasimidin kursantlar xatire sürette. 2022-Yili 27-mart, bursa, türkiye.
RFA/Erkin Tarim

Erkin zunun ependi, d u q we bursa shehiri osman'ghazi rayonluq hökümetning qollishi bilen ötküzülgen mezkur kursning muweppeqiyetlik ötküzülgenlikini bayan qilip, mundaq dédi: “Uyghur yashlirini terbiyelesh kursigha 43 neper Uyghur yash qatnashti. Bu yashlarning köpi türkiyening her qaysi sheherliridin kelgen bolup, ularning arisida yawropa we ottura asyadiki türkiy jumhuriyetliridin kelgen yashlarmu bar. Bu dunya Uyghur qurultiyining türkiyede chaqirghan ikkinchi qétimliq kursi bolup, dewayimiz üchün xeyirlik bolushini tileymen.”

D u q ayallar komitétining re'isi zumret'ay erkin xanim, bu qétimqi kursning asasliq nishanining qandaq qilghanda Uyghur yashlirining iqtidarini yuqiri kötürgili bolidu, qandaq ilghanda dewani mahirliq bilen élip barghili bolidu, dégen témilargha merkezleshkenliki bayan qildi

Zumret'ay erkin xanim, mezkur kursta en'giliyedin kelgen mutexessisler özlirining siyasiy dewani anglitishtiki tejribiliri toghrisida melumat bergenlikini bayan qildi.

Bursa uludagh uniwérsitétining oqughuchisi, d u q yashlar komitétining ezasi abduqadir abdukérim ependi, bu qétimqi kursning 25-mart chaqirilghan échilish murasimigha bursa osman'ghazi rayonluq hökümetning bashliqliri we parlamént ezalirining qatnashqanliqini, ularning bashtin-axir bu pa'aliyetni qollighanliqini bayan qildi.

D u q uyushturghan 2022-yilliq Uyghur yashlirini terbiyilesh kursining yépilish murasimidin d u q rehberliri we murasimgha qatnashqan türk rehberler xatire sürette. 2022-Yili 27-mart, bursa, türkiye.
D u q uyushturghan 2022-yilliq Uyghur yashlirini terbiyilesh kursining yépilish murasimidin d u q rehberliri we murasimgha qatnashqan türk rehberler xatire sürette. 2022-Yili 27-mart, bursa, türkiye.
RFA/Erkin Tarim

Kursqa qatnashqan Uyghur pa'aliyetchi yash jewlan shirmemet ependi, mezkur kurs jeryanida Uyghur dewasini qandaq usulda élip bérishning yollirini ögen'genlikini bayan qildi.

Yash pa'aliyetchi méhri'ay bu qétimliq kursning özi üchün zor paydisi bolghanliqini otturigha qoydi.

Dunya Uyghur qurultiyi Uyghur yashlirini terbiyelesh kursining tunji qétimliqi 2018-yili 13-iyuldin 15-iyulghiche istanbul ramada méhmanxanisida ötküzülgen idi. Mezkur kurs burun amérika, gérmaniye, shiwétsiye, shwétsariye, bélgiye, norwégiye, gollandiye, kanada qatarliq döletlerde uyushturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet