G7 Yighini jeryanida d u q rehberliri en'giliyede muhim pa'aliyetlerni élip barghan

Ixtiyariy muxbirimiz ekrem
2021-06-14
Share
G7 Yighini jeryanida d u q rehberliri en'giliyede muhim pa'aliyetlerni élip barghan "Uyghur sot kollégiyesi" ning guwahliq anglash yighinini axirlashturup londonda qalghan bir qisim d u q rehberliri g7 yighini jeryanida. 2021-Yili 13-iyun, london.
RFA/Ekrem

4-Iyundin 7-iyun'ghiche londunda dawam qilghan "Uyghur sot kollégiyesi" ning guwahliq anglash yighinini axirlashturup londunda qalghan bir qisim d u q rehberliri 11-iyundin 13-iyun'ghiche dawam qilghan en'giliyediki G7 yighinida Uyghurlar duch kéliwatqan "Irqiy qirghinchiliq" ning küntertipni igilishi we yighindin Uyghurlar toghriliq yaxshi bir netijining wujudqa chiqishi üchün térishchanliq körsitip kelgen idi. D u q re'isi dolqun eysa ependi bügün londundin ayrilishtin ilgiri ziyaritimizni qobul qilip, G7 yighinida Uyghurlar mesilisining muhim bir téma süpitide otturigha qoyulghanliqini eskertti.

"Uyghur sot kollégiyesi" ning guwahliq anglash yighinigha qatnishish üchün amérikadin kelgen d u q ning bash teptishi abdulhakim idris ependi londundin ziyaritimizni qobul qilghanda, G7 yighinida Uyghurlar mesilisining otturigha qoyulushining tarixiy bir hadise bolghanliqini tekitlidi. U sözide yene londunda 4 kün dawam qilghan "Uyghur sot kollégiyesi" ning guwahliq anglash yighinining pütkül gherbte, bolupmu en'giliyede zor tesir qozghighanliqini tilgha aldi.

G7 Yighini dawamida d u q rehberliri en'giliyede bezi muhim pa'aliyetlerni élip barghan. Bularning biri, "Dölet himayisi astida diniy itiqad erkinlikining ziyankeshlikke uchrishi" dégen téma astida en'giliyediki diniy sahege mensup meshhur zatlar bilen ötküzgen söhbetler bolghan. D u q re'isi dolqun eysa ependining bildürüshiche, nurghunlighan xiristiyan ölimaliri qatnashqan bu yighinda xitayning jaza lagérlirida azap-oqubet chékiwatqan 3 milyondin artuq Uyghurlarning mesilisi asasliq muzakire qilin'ghan.

D u q re'isining bayan qilishiche, mezkur yighin'gha diniy zatlardin bashqa dunyaning herqaysi elliridiki kishilik hoquq pa'aliyetchiliri, adwokatlar we xelq'araliq hoquqchilarmu biwaste yaki tor arqiliq qatnashqan bolup, ular G7 yighinida Uyghurlar mesilisini qandaq hel qilishning chare-tedbirliri üstide izden'gen.

D u q ning bash teptishi abdulhakim idris ependi sözining xatimiside, aldinqi bir heptining Uyghurlar üchün zor tarixiy hadisiler yüz bergen muhim bir hepte bolghanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet