Ғәюр қурбан Table Media таратқусиниң “хитай мунбири” дики 100 мәшһур шәхсниң бири болуп талланған

28-Май д у қ берлин ишханисиниң мудири ғәюр қурбан әпәнди германийәниң нүрнберг шәһиридә “хитайдики кишилик һоқуқ вә әркинлик” дегән темида өткүзүлгән муһакимә йиғиниға тәклип билән қатнишип, уйғур ирқий қирғинчилиқи мәсилисини әтраплиқ аңлатқан.

Бүгүн бу хусуста бизни бәзи мәлуматлар билән тәминлигән ғәюр қурбан әпәнди, 28-май өзиниң йәнә германийәдики торлашқан ахбарат мәркизи болған Table Media ниң “хитай мунбири” дики 100 мәшһур шәхсниң бири болуп талланғанлиқ хуш хәвирини йәткүзди.

Table Media Ниң бу һәқтә ғәюр қурбан әпәндигә йоллиған мәктупида мундақ ибариләр орун алған: “мубарәк болсун, ғәюр қурбан әпәнди! сиз герман тиллиқ ахбарат қаналлири ичидә алдинқи қатарда туридиған ‛хитай мунбири ‚(China Table) ниң муһәррирләр қошуни тәрипидин хитай ишлириға алақидар йүз һалқилиқ шәхсниң бири болуп талландиңиз. Қалған 99 нәпәр һәмраһиңизни биз йеқинда елан қилидиған ‛мунбәрдә 100 үлгә‚ намлиқ пирограммимиздин тонуш вә чүшиниш пурситигә еришисиз. China Table Ниң муһәррирләр қошуни сиясий, мәмурий, уюшмилар, ширкәтләр, учур амбарлири, ақиллар амбири, илим саһәси, фонди җәмийәтләр, һөкүмәтсиз тәшкилатлар вә җәмийәттин болуп, һәр бир саһәдин 10 дин мәшһур кишини таллап чиқти. Table Media Алдимиздики күнләрдә сизни бу һәқтә техиму көп учурлар билән тәминләйду. ”

RFA/Ekrem

Table Media Таллиған 100 мәшһур шәхсниң бири болған, 29-май йәнә волксвагенниң 64-нөвәтлик омумий қурултийида уйғур мәҗбурий әмгики вә германийә аптомобил ширкәтлириниң уйғур қул әмгики билән болған мунасивити һәққидә нутуқ сөзлигән ғәюр қурбан әпәнди, бу һәқтә өз тәсиратлирини баян қилип өтти. У, қолға кәлтүргән бу утуқлириниң ирқий қирғинчилиққа учраватқан мәзлум уйғур миллити үчүн хәйирләргә вәсилә болушини үмид қилидиғанлиқини билдүрди.

Д у қ рәиси долқун әйса әпәнди ғәюр қурбанниң Table Media таллиған 100 мәшһур шәхсниң бири болғанлиқини қизғин тәбриклиди һәмдә буни “яш бир әвлад уйғур дәвагәрлириниң хәлқара сәһниләрдә тонулуватқанлиқи, етирап қилишқа еришиватқанлиқиниң ярқин бир ипадиси” дәп көрсәтти. У, д у қ берлин ишханисиниң мудири ғәюр қурбанниң һазирға қәдәр яратқан һәм яритиватқан утуқлириға юқири баһалар бәрди. Д у қ рәһбәрлиридин турғунҗан алавудун әпәндиму бу хусуста өз тәсиратлирини баян қилип өтти.

Table Media Тоғрисидики учурлардин мәлум болушичә, Table Media 2019-йили германийәдә қурулған, дигитал учур мулазимити билән шуғуллинидиған, көплигән йетишкән кәспий мухбирлар вә тәһрирләр топлашқан, хәвәрлириниң тәннәрхи алаһидә қиммәт болған ахбарат оргини икән. Униң “Europa Table” , “Africa Table” қатарлиқ 10 дин артуқ тармақ органлири бар икән. “China Table” униң әң җанлиқ вә мәшһур бир бөлүми һесаблинидикән. “Table Media” дөләтни вә көләмләшкән сода саһәсини тиз сүрәттә маарип сиясити, сиясий тәтқиқат, хәлқара муһит, ташқи сиясәт вә хәвпсизлик сиясити қатарлиқ җәһәтләрдә арқа көрүнүши чоңқур болған учур, пикир һәм тәтқиқат нәтиҗилири билән тәминләйдикән.