ۋەتەن ۋە مىللەتنىڭ ھۆررىيىتى ئۈچۈن بىر ئۆمۈرلۈك ھاياتىنى بېغىشلىغان پېشقەدەم ئىنقىلاپچى، سىياسەتچى، ھارماس پائالىيەتچى ۋە جامائەت ئەربابى غۇلامىدىن پاختا ئەپەندى 2025-يىل 2-ئاينىڭ 19-كۈنى سەھەردە نيۇ-يوركتا 95 يېشىدا ۋاپات بولدى.
مەرھۇمنىڭ ۋاپاتى مۇھاجىرەتتىكى ئۇيغۇر جامائىتىنى چوڭقۇر قايغۇغا چۆمدۈردى. دۇنيانىڭ ھەرقايسىي جايلىرىدىكى ئۇيغۇرلار ئىجتىمائىي تاراتقۇ قاناللىرى ئارقىلىق، ئۆزلىرىنىڭ قايغۇلۇق ھېسسىياتى ۋە ئاخىرەتلىك تىلەكلىرىنى بىلدۈرمەكتە.