Bilgiye we gollandiyede “Ghulja qirghinchiliqi” ning 25 yilliqini xatirilesh, béyjing olimpikige naraziliq bildürüsh namayishi ötküzüldi

Ixtiyariy muxbirimiz Uyghur'ay
2022.02.07
Bilgiye we gollandiyede “Ghulja qirghinchiliqi” ning 25 yilliqini xatirilesh, béyjing olimpikige naraziliq bildürüsh namayishi ötküzüldi 1997-Yilidiki “5-Féwral ghulja qirghinchiliqi” ning 25 yilliqini xatirilesh we béyjing qishliq olimpikige naraziliq bildürüp ötküzülgen namayishidin körünüsh. 2022-Yili 5-féwral, bélgiye.
RFA/Uyghur'ay

2-Ayning 5-küni bélgiyening antiwérpin shehride bilen 1997-yilidiki “5-Féwral ghulja qirghinchiliqi” ning 25 yilliqini xatirilesh we béyjing qishliq olimpikige naraziliq bildürüsh namayishi ötküzülgen. Namayish bélgiye Uyghur jem'iyitining orunlashturushi bilen ötküzülgen.

Namayishchilar buningdin 25 yil burun ghulja shehiride ötküzülgen Uyghur yashlirining tinch usuldiki namayishining qanliq rewishte basturulghanliqi, namayishtin kéyin minglighan yashlarning xitay saqchiliri teripidin tutqun qilin'ghanliqi, bezilirining shu qétimliq tutqunda iz-déreksiz yoq qiliwétilgenlikini bayan qilip ötken. Shuning bilen bir waqitta namayishchilar yene béyjingda ötküzüliwatqan qishliq olimpik musabiqisige naraziliq bildürgen. Ular awam jama'etni bu qétimliq béyjing qishliq olimpikini körmeslikke, xitayning Uyghurlargha élip bériwatqan irqiy qirghinchiliqigha naraziliq bildürüshke chaqirghan.

1997-Yilidiki “5-Féwral ghulja qirghinchiliqi” ning 25 yilliqini xatirilesh we béyjing qishliq olimpikige naraziliq bildürüp ötküzülgen namayishidin körünüsh. 2022-Yili 5-féwral, bélgiye.

Namayish shu küni chüshtin kiyin ötküzülgen bolup, namayishqa Uyghurlardin bashqa bélgiyelikler, herqaysiy axbarat wastilirining muxbirlirimu qatnashqan.

Radiyoyimiz ziyaritini qobul qilghan bélgiye Uyghur jem'iyitining wekili ekber tursun ependi namayishning nahayiti janliq we tesirlik ötkenlikini, yerlik ammining we téléwiziye qanallirining diqqitini tartqanliqini bildürdi.

1997-Yilidiki “5-Féwral ghulja qirghinchiliqi” ning 25 yilliqini xatirilesh we béyjing qishliq olimpikige naraziliq bildürüp ötküzülgen namayishidin körünüsh. 2022-Yili 5-féwral, gollandiye.
1997-Yilidiki “5-Féwral ghulja qirghinchiliqi” ning 25 yilliqini xatirilesh we béyjing qishliq olimpikige naraziliq bildürüp ötküzülgen namayishidin körünüsh. 2022-Yili 5-féwral, gollandiye.

Shu küni yene gollandiye sherqiy türkistan teshkilatlar ittipaqining orunlashturushi bilen gollandiye paytexti amistérdamdiki dam meydanidimu chong tiptiki namayish ötküzülgen. Radiyoyimiz ziyaritini qobul qilghan gollandiye sherqiy türkistan teshkilatlar ittipaqining re'isi obulqasim abliz ependi namayish heqqide tepsiliy melumat bérip ötti.

Tepsilatini yoqiriqi awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.