Мән лагердин қандақ һаят қалдим?

Мухбиримиз гүлчеһрә
2021.01.28
Share on WhatsApp
Share on WhatsApp
Мән лагердин қандақ һаят қалдим? Лагер шаһити гүлбаһар хативаҗи ханим.
Gülbahar Xatiwaji teminligen

Лагер шаһити гүлбаһар хативаҗи билән йүрүшлүк сөһбәт (3)

Гүлбаһар хативаҗи: йолвас орундуқта сорақ қилинимиз, униңдинму қорқунучлуқи ахири чиқмас психологийәлик хорлашлар иди

Лагер шаһити гүлбаһар хативаҗи ханим билән радийомизда елип бериливатқан “мән лагердин қандақ һаят қалдим?” темисидики йүрүшлүк сөһбитимизниң 3-сани, униң қаримай җәрәнбулақтики җаза лагериға бир йерим йил солиниш җәрянидики кәчмишлири үстидә давам қилиду.

Фирансийәдин юртиға қайтқан гүлбаһар хативаҗи ханим дәслипидә қаримай дөләт бихәтәрлик тармақлири тәрипидин, 2017-йили 1-айниң 29-күни қаримай шәһәрлик тутуш туруш орниға қамап қоюлған. 5 Ай өткәндин кейин, даириләр уни йәни, 6-айниң 5-күни җәрәнбулаққа җайлашқан җаза лагериға алаһидә қаттиқ башқурулидиған тутқунлар қатарида йөткигән. Бу җаза лагериға у 2018 йили 12-айниң 23-күнигичә соланғаникән. Гүлбаһар ханим бу қабаһәтлик җаза лагерида учриған вә шаһит болған қанунсиз қолға елиниш, ачлиқ вә уйқусизлиқ, соғуққа мәҗбурлиниш, меңә ююш тәрбийәлири, йолвас орундуқта сорақ қилиниш, ениқсиз дора вә окулға мәҗбурлиниш, чечини мәҗбурий кесиштәк хорлуқлар һәмдә хитайниң уйғурлар үстидики инсанийәткә қарши җинайәтлирини тәпсилий баян қилди.

Лагер шаһити гүлбаһар хативаҗи ханимниң җаза лагеридики кәчмишлирини униң билән мухбиримиз гүлчеһрәниң сөһбитидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт