Shahit gülpiye qazibék: “Put-qoli doxturxana kariwitigha kishenlep qoyulghan apam ‛balam méni qutquzuwal‚ dédi”

Washin'gtondin muxbirimiz erkin teyyarlidi
2024.02.12
gulpiye-qazibek-frontal Lagér shahiti gülpiye qazibék ZDF qanilining ziyaritini qobul qiliwatqan körünüsh.
www.zdf.de

Xitay hökümitining 2017-yili “Yéngi dewrdiki shinjangni bashqurush istratégiyesi” ning yolgha qoyulushi bilen bir waqitta bashlan'ghan chong tutqunigha mejburiy qatniship, tutqun jeryanidiki we lagérdiki nurghun tragédiyelik weqelerge shahit bolghan gülpiye qazibékni qattiq azablighan weqelerning biri, u ishtirak qilghan bu basturushta, uning öz anisiningmu tutqun qilinip, 15 yilliq késilishi bolghan.

Nöwette, qazaqistanda yashawatqan gülpiye qazibékning 2017-yili tunji basquchluq tutqunda tutup kétilip 8 ayghiche xewirini alalmighan anisining ehwalidin, 8 ay kéyin lagérdin ghulja nahiyelik xelq doxturxanisigha dawalashqa élip chiqilghanda andin xewiri bolghan.

Gülpiye qazibékning éytishiche, uning anisi kéyinrek a'ilide nezerbend qilinishqa qoyup bérilgen bolsimu, emma eyni waqitta uni eng qattiq azablighan ishlarning biri, uning anisini yoqlap doxturxanigha barghanda anisining qilghan nidasi bolghan. Eyni waqitta, ghulja nahiyelik xelq doxturxanisining mexsus lagér tutqunlirini dawalash bölümining késel kariwitigha kishenlep qoyulghan 67 yashliq anisi uning quliqigha asta “Balam, méni qutquzuwal” dep nida qilidu.

Yuqiridiki awaz ulinishidin muxbirimizning shahit gülpiye qazibék bilen bolghan söhbitimizning 3-qismi anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.