Jenubiy awstraliye parlaménti d u q hey'itige bir qatar wedilerni bergen

Ixtiyariy muxbirimiz erkin tarim
2022.11.30
Share on WhatsApp
Share on WhatsApp
awstraliye-guwahliq-2.jpg Adélayd shehiridiki bir qisim Uyghur jama'iti guwahliq bérish üchün kelgen lagér shahitliri we d u q wekillirini ayrodurumda kütiwaldi. 2022-Yili 29-noyabir.
RFA/Erkin Tarim

Dunya Uyghur qurultiyi we lagér shahitliridin terkib tapqan bir hey'et, 11-ayning 29-küni awstraliyening adélayd shehiridiki jenubiy awstraliye yerlik parlaméntida guwahliq bérip, Uyghurlarning hazirqi éghir weziyiti toghrisida etrapliq melumat bergendin kéyin bezi teleplirini yetküzgen. Parlamént ezaliri mezkur teleplerni anglighandin kéyin bezi wedilerni bergen.

Mezkur pa'aliyet heqqide melumat igilesh üchün dunya Uyghur qurultiyining programma diréktori zumret'ay erkin xanim bilen söhbet élip barduq.

Zumret'ay erkin xanim bu pa'aliyetning burunqi pa'aliyetlerge oxshimaydighan teripi heqqide toxtilip mundaq dédi: “Bügünki pa'aliyetning bashqa pa'aliyetlerge oxshimaydighan teripi, elwette jenubiy awstraliye parlaménti fédératsiye parlaméntigha oxshimaydu. Bu yerlik parlamént fédératsiye parlaméntning ishlirigha ariliship ketmeydu. Tashqi siyaset bilen dölet mudapi'e siyasitige ariliship ketmeydu. Shunga bu parlamént ezaliri jenubiy awstraliyede turuwatqan Uyghurlar üchün néme qilip béreleymiz? dep soridi. Bular lagér shahitlirini anglighandin kéyin intayin hayajanlandi. Shundaqla biz bundin kéyin konkrét ish qilishqa ötimiz dep wede berdi. Jenubiy awstraliyediki Uyghurlarning telep-pikirlirini igilidi. Biz jenubiy awstraliyediki Uyghurlarning jiddiy tehditke uchrawatqanliqini, awstraliye hökümitining bularning bixeterlikini qoghdishi kéreklikini éyttuq. Yene bir muhim nerse awstraliye fédératsiye parlaméntida muzakirige qoyulidighan ‛mejburiy emgek bilen ishlep chiqirilghan mallarni cheklesh‚ qanunining maqullinishi üchün küch chiqirishini telep qilduq”.

D u q we lagér shahitliridin terkib tapqan bir hey'et awstraliyening adélayd shehiridiki jenubiy awstraliye yerlik parlaméntida guwahliq berdi. 2022-Yili 29-noyabir.

Awstraliye Uyghur jem'iyiti, d u q we awstraliye tengritagh xanim-qizlar jem'iyiti birlikte uyushturghan jenubiy awstraliye shtatliq parlaméntida ötküzülgen guwahliq bérish yighinida ikki neper lagér shahiti guwahliq bergendin sirt zumret'ay erkin xanim Uyghurlarning hazirqi éghir weziyiti we Uyghur dewasining nöwettiki yüzlinishi toghrisida melumat bergen. Doklat bérish yighinining axirida yighin ehli doklat bergüchilerdin so'al sorighan. 20 Etrapida yerlik parlamént ezasi'i Uyghur hey'etning teleplirini anglighandin kéyin‚mejburiy emgek bilen ishlep chiqirilghan mehsulatlarning awstraliyege élip kirilishini cheklesh‚ke oxshash bir qatar mesililerni hel qilish üchün küch chiqiridighanliqi toghrisida wede bergen. Lagér shahiti ömerbék ali ependi bu heqte melumat berdi.

Mezkur hey'et 29-noyabirda jenubiy awstraliye parlaméntida doklat bériwatqanda adélaydta turuwatqan köp sandiki Uyghur parlamént binasining aldida xitaygha qarshi naraziliq namayishi ötküzgen. Lagér shahiti qelbinur sidiq xanim bu heqte melumat berdi.

D u q we lagér shahitliridin terkib tapqan bir hey'et awstraliyening adélayd shehiridiki jenubiy awstraliye yerlik parlaméntida guwahliq berdi. 2022-Yili 29-noyabir.

Mezkur hey'et awstraliyening paytextidiki fédératsiye parlaméntida we sidnéydiki shtatliq parlaméntta guwahliq bérish yighinigha ishtirak qilip, Uyghur irqiy qirghinchiliqini étirap qilishini telep qilghandin sirt bezi konkrét teleplerni otturigha qoyghan. Undaqta jenubiy awstraliye parlaméntida élip bérilghan bu pa'aliyetning ehmiyiti néme? adélaydtiki tengritagh xanim-qizlar jem'iyitining re'isi ramile chanishéf xanim bu heqte toxtaldi.

D u q re'isi dolqun eysa bashchiliqidiki hey'etning awstraliyediki 10 künlük ziyariti paytext kanbérradin bashlan'ghanidi. Mezkur hey'et sidnéydiki ziyaritini axirlashturup, adélaydqa yétip kelgen. D u q re'isi dolqun eysa ependi ürümchidiki ot kétish weqesidin kéyin awstraliye ziyaritige xatime bérip myunxén'gha qaytip ketken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.