Идрис һәсәнниң соти 1-сентәбиргә кечиктүрүлгән

Ихтиярий мухбиримиз азиғ
2021-08-27
Share
Идрис һәсәнниң соти 1-сентәбиргә кечиктүрүлгән Идрис һәсән маракәшкә меңиштин бир қанчә күн бурун пәрзәнти билән. 2021-Йили июл, түркийә.
RFA/Azigh

Маракәштә тутуп туруливатқан компутер инженери вә кишилик һоқуқ паалийәтчиси идрис һәсәнниң 26-авғуст күнидики соти 1-сентәбиргә кечиктүрүлгән.

Маракәш даирилири идрис һәсәнни хәлқара сақчи тәшкилати тәрипидин чиқирилған қизил ташлиқ тутуш буйруқи сәвәблик қолға алғанлиқини җакарлиғаниди. Хәлқара сақчи тәшкилати идрис һәсән һәққидики тутуш буйруқини әмәлдин қалдурған болсиму, әмма маракәш сот мәһкимиси идрис һәсәнни қоюп беришкә техичә һөкүм чиқармиған.

Идрис һәсәнниң аяли бузәйнур ханим зияритимизни қубул қилип, сотниң мәзкур қарари һәққидики көз қарашлирини биз билән ортақлашти.

"әрәб хәвәрлири", "африқа хәвәрлири" қатарлиқ ингилизчә вә фирансузчә ахбарат вастилири бу һәқтә мәхсус хәвәр ишлигән болуп, хәвәрләрдә идрис һәсәнниң хитайға қайтуруветилгән тәқдирдә еғир тән җазасиға вә қийин қистаққа учраш еһтималлиқиниң юқирилиқи ейтилған.

"уйғур яр фонди" җиддий қутқузуш түриниң мәсуллириниң билдүрүшичә, хитай һөкүмити идрис һәсән үстидики әйибнамиләрни маракәш даирилиригә тапшурмиған болуп, идрис һәсәнниң сотиниң кечикип кетиши бу әһвал билән мунасивәтлик икән. Идрис һәсәнниң адвокатлири сотниң кечикишини идрис һәсәнгә пайдилиқ дәп қаримақта икән.

Уйғур яр фонди җиддий қутқузуш түриниң мәсуллиридин батур қарахан әпәндим зияритимизни қубул қилип, идрис һәсәнни делоси һәққидә тәпсилий учур бәрди.

Игилишимизчә, идрис һәсән нөвәттә маракәштин қоюп берилгән тәқдирдә түркийигә қайтурветилиштин әндишә қилмақтикән. Көзәткүчиләр, йеқинда ашкариланған түркийә ташқий ишлар министирлиқиға аит бир мәхпий һөҗҗәттә идрис һәсәнниң исминиң болушини мисалға елип, идрис һәсәнниң әндишсиниң орунсиз әмәсликини ейтмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт