تۈركىيەنىڭ ئەڭ چوڭ ساياھەت شەھىرىدە ئۇيغۇر ئاشخانىسى ئېچىلدى

مۇخبىرىمىز ئەركىن تارىم
2013.09.06
antalyede-uyghur-ashxanisi-305.png ئانتالىيەدە يېڭى ئېچىلغان ئۇيغۇر ئاشخانىسىنىڭ ۋىۋىسكىسى
RFA/Erkin Tarim

تۈركىيەنىڭ جەنۇبىدىكى ئاق دېڭىز رايونىغا جايلاشقان ئەڭ چوڭ ساياھەت شەھەرلىرىدىن بىرى بولغان ئانتالىيا شەھىرىدە ئۇيغۇر ئاشخانىسى ئېچىلدى. كېيىنكى يىللاردا ئۇيغۇر تاماقلىرى دۈنيا تاماقلىرىنىڭ ئارىسىدا لايىق بولغان ئورنىنى ئېلىشقا باشلىدى.

تۈركىيەنىڭ ئىستانبۇل، ئەنقەرە قاتارلىق چوڭ شەھەرلىرىدىن كېيىن ئەڭ چوڭ ساياھەت شەھەرلىرىدىن بىرى بولغان ئانتالىيا شەھىرىنىڭ زەردارىلىك مەھەللىسىدە ئۇيغۇر تۈرك مۇتفاقى يەنى ئۇيغۇر تۈرك ئاشخانىسى نامىدا ئاشخانا ئېچىلدى.

بۇ ئاشخانىنى قىرغىزىستاندا تۇغۇلۇپ چوڭ بولغان گۈلبوستان ئىسىملىق ئايال ئاچقان. ئاشخانىدا لەزىز ئۇيغۇر تاماقلىرى سۇنۇلماقتا. بىز ئاشخانىغا بېرىپ، ئاشخانىنىڭ خوجايىنى بىلەن سۆھبەت ئېلىپ باردۇق. ئۇ، خېرىدارلارغا قولىدىن كېلىشچە ئۇيغۇرلارنىڭ باي تاماق مەدەنىيەتىنى تونۇتۇشقا تىرىشىۋاتقانلىقىنى ئېيتتى. ئاشخانىنىڭ تېلېفون نۇمىرى: 0242 313 08 01

ئانتالىيا ھەر يىلى دۈنيانىڭ ھەرقايسى جايلىرىدىن بولۇپمۇ گېرمان، رۇس ۋە ئەنگىلىز قاتارلىق مىللەتلەردىن 30 مىليون ئەتراپىدا ساياھەتچىنى ئۆزىگە جەلىپ قىلىۋاتقان شەھەرلەردىن بىرى بولۇپ، پاكىز دېڭىزى ۋە ھەشەمەتلىك مېھمانخانىلىرى بىلەن مەشھۇر.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.