Türkiyening eng chong sayahet shehiride Uyghur ashxanisi échildi

Türkiyening jenubidiki aq déngiz rayonigha jaylashqan eng chong sayahet sheherliridin biri bolghan antaliya shehiride Uyghur ashxanisi échildi. Kéyinki yillarda Uyghur tamaqliri dünya tamaqlirining arisida layiq bolghan ornini élishqa bashlidi.

Türkiyening istanbul, enqere qatarliq chong sheherliridin kéyin eng chong sayahet sheherliridin biri bolghan antaliya shehirining zerdarilik mehelliside Uyghur türk mutfaqi yeni Uyghur türk ashxanisi namida ashxana échildi.

Bu ashxanini qirghizistanda tughulup chong bolghan gülbostan isimliq ayal achqan. Ashxanida leziz Uyghur tamaqliri sunulmaqta. Biz ashxanigha bérip, ashxanining xojayini bilen söhbet élip barduq. U, xéridarlargha qolidin kélishche Uyghurlarning bay tamaq medeniyetini tonutushqa tirishiwatqanliqini éytti. Ashxanining téléfon numiri: 0242 313 08 01

Antaliya her yili dünyaning herqaysi jayliridin bolupmu gérman, rus we en'giliz qatarliq milletlerdin 30 milyon etrapida sayahetchini özige jelip qiliwatqan sheherlerdin biri bolup, pakiz déngizi we heshemetlik méhmanxaniliri bilen meshhur.