Kanada parlamént ezaliri kanada hökümitidin xitayning Uyghurlargha qaratqan ziyankeshliklirini irqiy qirghinchiliq dep élan qilishni telep qilghan

Muxbirimiz memetjan jüme
2021-03-14
Share
Kanada parlamént ezaliri kanada hökümitidin xitayning Uyghurlargha qaratqan ziyankeshliklirini irqiy qirghinchiliq dep élan qilishni telep qilghan Kanada parlaménti xitayning Uyghurlargha qaratqan zulumlirini "Irqiy qirghinchiliq" dep békitti. 2021-Yili 22-féwral.
Photo: RFA

Kanada parlamént ezaliri bir yéngi doklat teyyarlap, kanada hökümitidin xitayning Uyghurlargha qaratqan ziyankeshliklirini irqiy qirghinchiliq dep élan qilishni telep qilghan.

"Toronto yultuzi" gézitining xewer qilishiche, 12-mart kanada parlaménti tashqi ishlar da'imiy komitéti we xelq'ara tereqqiyat komitéti teripidin teyyarlan'ghan doklatta, kanadaning xitaygha bésim ishlitidighan xelq'araliq hemkarliq shekillendürüp, musteqil közetküchilerning Uyghur rayonigha kirip tekshürüsh élip bérishini qolgha keltürüshi tewsiye qilin'ghan.

Doklatta Uyghur élidiki ziyankeshliklerge alaqidar xitay emeldarlirigha magnétiskiy qanuni boyiche jaza bérish, xitay kanadadiki Uyghurlargha qaratqan parakendichiliklerni tekshürüsh we tehditke uchrighan Uyghur we bashqa türk musulmanlirining kanadagha tézrek kirishige yardem bérish qatarliq 15 tewsiye otturigha qoyulghan.

Bu doklat ötken yili yazda xelq'ara kishilik hoquqqa mes'ul tashqi ishlar tarmaq komitétigha bérilgen guwahliqqa asasen teyyarlan'ghan. Öktebirde tarmaq komitéti tekshürüsh netijisini élan qilip, Uyghur élide irqiy qirghinchiliq yüz bergenlikini jakarlighan.

Uningdin bashqa kanada parlaménti bu yil 22-féwral ortaq awaz bilen xitayning Uyghurlargha qaratqan ziyankeshliklirini irqiy qirghinchiliq, dep étirap qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet