Memet toxti: “Kanada hökümitning musapir Uyghurlarni kanadagha élip kilishige toluq ishinimen”

Washin'gtondin muxbirimiz uyghar teyyarlidi
2023.06.12
onming-uyghur-kanada-2 Kanadagha kélidighan 10,000 Uyghur toghriliq söhbettin kéyin xatire süret. 2023-Yili iyun, kanada.
FB/Memet Tohti

Igilishimizche, kanada parlaméntining toluq awaz bérishi bilen bu yil 1-féwral küni qobul qilghan qararigha asasen, 10 ming Uyghur musapirning kanadagha kélishige munasiwetlik xizmetlerning konkrét qedem-basquchlirini bashlighan. Minglighan musapir Uyghurlar özliri turuwatqan bezi döletlerdiki herxil qiyinchiliq we eminsizliktin qutulup bixeter, tinch, erkin we démokratik dölet bolghan kanadagha kélip yashashni sewrsizlik bilen kötmekte. Shuning bilen bir waqitta, ularning kallisida bu chong we muhim köchke munasiwetlik köpligen so'allar peyda bolmaqta. Uningdin bashqa ijtima'iy taratqularda bir qisim kishilerning pursetni gheniymet bilip, yardem qilish bahanisi bilen “Qoymichiliq” qilishqa urun'ghanliqi toghruluq söz-chöchekler yéyilmaqta we Uyghur musapirlirining béshini qaymuqturmaqta. Biz Uyghur musapirliri bilishke tégishlik toghra uchurlarni yetküzüsh meqsitide, kanadadiki bu qanunning qobul qilishigha köp hesse qoshqan, bu qanunning ijra qilinish jeryanida we konkrét xizmetlerde kanada hökümiti bilen hemkarliship birlikte xizmet qiliwatqan kanadadiki “Uyghur heqlirini himaye qilish qurulushi” ning ijra'iye diréktori memet toxti ependi bilen mexsus söhbet élip barduq.

Kanadadiki “Uyghur heqlirini himaye qilish qurulushi” ning ijra'iye diréktori memet toxti ependi kanadagha kélidighan 10,000 Uyghur toghriliq kanada bash ministir yardemchisi we maliye ministiri kristiya friland(Chrystia Freeland) xanim bilen körüshti. 2023-Yili iyun.
Kanadadiki “Uyghur heqlirini himaye qilish qurulushi” ning ijra'iye diréktori memet toxti ependi kanadagha kélidighan 10,000 Uyghur toghriliq kanada bash ministir yardemchisi we maliye ministiri kristiya friland(Chrystia Freeland) xanim bilen körüshti. 2023-Yili iyun.
FB/Memet Tohti

Memet toxti ependi, musapir Uyghurlar turuwatqan döletler kanada dölet xadimlirning bérishgha ruxset qilmisa, özlirining amérikadiki bir shirketning yardimi bilen bixeter yumshaq détal layihelewatqanliqini dédi. Bu yumshaq détal kanada hökümitining testiqidin ötkendin kiyin, 2-3 hepte ichide musapir Uyghurlarning iltimas we jedwelliri tordin toldurulushqa bashlinidiken.

Söhbetning tepsilatini yuqiriqi awaz ulinishidin anglighaysiler

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.