Parizh sheherlik hökümet binasida 5-iyul weqesi we ilham toxti toghrisida yighin chaqirilmaqchi

Ixtiyariy muxbirimiz haji qutluq qadiri
2016-06-28
Élxet
Pikir
Share
Print
Parizh sheherlik hökümet binasi aldi körünüshi.
Parizh sheherlik hökümet binasi aldi körünüshi.
Firansiye Uyghur birleshmisining re'isi erkin ablimit teminligen

8-Iyul firansiye Uyghur birleshmisining teshkillishi we bashqa kishilik hoquq teshkilatlirining hemkarlishishi bilen parizh sheherlik hökümet binasining yighin zalida 5-iyul weqesi we ilham toxti mesilisi toghrisida ilmiy muhakime yighin chaqirilidiken.

Firansiye Uyghur birleshmisidin igilishimizche, 8-iyul parizh sheherlik hökümet binasida 2009-yili ürümchide yüz bergen 5-iyul weqesi we 2014-yilidin étibaren xitay türmisige qamalghan Uyghur öktichi ziyaliysi ilham toxti toghrisida mexsus ilmiy muhakime yighini chaqirilidiken.

Bu heqte ziyaritimizni qobul qilghan firansiye Uyghur birleshmisining re'isi erkin ablimit bu qétim chaqirilidighan yighinning teyyarliq xizmetlirining asasiy jehettin tamamlan'ghanliqini bildürüsh bilen birge, yighinda muhakime qilidighan asasliq mesililer we yighin'gha qatnishidighan bir qisim erbablar heqqide toxtaldi.

Erkin ablimit 5-iyul weqesi ürümchide yüz bergendin kéyin ta hazirghiche bolghan waqitqiche firansiye hökümitining bu weqege yéqindin köngül bölüp kéliwatqanliqini shundaqla bu qétimqi xatirilesh pa'aliyitige munasiwetlik orunlarning alahide küch chiqarghanliqini bildürdi.

Erkin ablimitning éytishiche, bu qétimqi ilmiy muhakime yighinida ilham toxtini 2016-yilliq nobél tinchliq mukapatigha namzat qilip körsitish mesilisimu muzakire qilinidiken.

Erkin ablimitning ilgiri sürüshiche, ilmiy muhakime yighinida yene 2015-yili Uyghurlar heqqide maqale yazghanliqi sewebidin xitaydin qoghlan'ghan firansuz muxbir ursula gotiyir xanim Uyghur mesilisi boyiche alahide doklat sözleshke teklip qilin'ghan.

2009-Yili 5-iyul weqesi yüz bérip shu yili dunya Uyghur qurultiyi re'isi rabiye qadir xanimni alahide yaponiyege teklip qilip bu weqe heqqide mexsus doklat bérish pa'aliyitini teshkilligüchilerdin biri aroma xanim parizh sheherlik hökümet binasining yighin zalida bu xildiki ilmiy muhakime yighinining chaqirilishi toghrisida toxtilip: "Men 5-iyul weqesini yéqinqi zaman Uyghur tarixidiki eng zor paji'elik weqelerdin biri dep hésablaymen. Shunga mumkin qeder bu weqeni xatirilesh pa'aliyetlirining kölimini we da'irisini kéngeytip izchil halda weqeni dunyagha anglitishqa tirishsaq. Ishinimenki, choqum xitay kompartiyesi xelq'ara sot aldida jawabkarliqqa tartilidu. Men firansiyede bu xatirilesh pa'aliyitining élip bérilidighanliqini anglap tolimu xursen boldum" dédi.

Yuqiriqi awaz ulinishidin tepsilatini anglang.

Toluq bet