Rabiye qadir xanim “2012 - Yilidiki xelq'arada tesiri eng küchlük 500 musulman” ning biri

Merkizi i'ordaniyidiki xan jemeti islam tetqiqat merkizi teripidin yilda bir qétim bahalap élan qilinidighan “Xelq'arada tesiri eng küchlük 500musulman” zhurnilining 2012 - sanida, Uyghur milliy herikiti rehbiri, 2006 - yilidiki nobél tinchliq mukapatining namzati we yene rafto mukapati sahibi rabiye qadir xanim mexsus tonushturuldi.

Rabiye qadir xanim siyasiy katégoriye boyiche bu yilliq 500 tesiri eng küchlük musulmanning ichide 49 orunda turghan, shundaqla u bu qatardiki sanaqliq ayal zatining biridur.

Birinchi orunda se'udi erebistan padishahi abdulla bin abdul eziz al se'ud turidu. 500 Dangdar musulman qatarda yene dunya boks padishahi muhemmed ali, türkiye jumhuriyiti prézidénti abdullar güllerning nami kirgüzülgen. Rabiye qadir xanim heqqidiki tonushturushta, uning xitay hökümitining basturushlirigha qarshi Uyghur musulmanlirining siyasiy, diniy erkinliki, insan heqliri we démokratiyini qolgha keltürüsh yolida élip bériwatqan pa'aliyetliri hem Uyghurlarning nöwettiki omumiy weziyiti heqqide melumatlar bérilgen.

Ziyaritimizni qobul qilghan rabiye qadir xanim “Bu men emes belki Uyghur mesilisining dunyadiki 500 chong mesile qatarida islam dunyasida tesir peyda qilghanliqini chüshendüridu, bu dawayimizning islam dunyasidiki deslepki netijisi, bu bir bashlinish” dédi.

Nöwette muxbirimiz gülchéhrening rabiye qadir xanim bilen élip barghan mexsus söhbiti diqqitinglarda bolsun.