Йәркәнниң елишқу йезисидики 3 кәнттә қәтлиам йүз бәргәнлики илгири сүрүлмәктә

Мухбиримиз шөһрәт һошур
2014-08-01
Елхәт
Пикир
Share
Принт
Йәкәнниң хәритидики орни.
Йәкәнниң хәритидики орни.
google map

Йәкән наһийсиниң елишқу йезисида 28 - июл күни бир түркүм кишиләрниң хитай һакимийитигә қарши исян көтүргәнлики вә хитай сақчилириниң исянни бир тәрәп қилиш давамида көп санда кишиләрни өлтүргәнлики һәққидә ғәйрий рәсмий учурлар 5 күндин бери уйғур иҗтимаий таратқулар вә җамаәт сорунлирида тарқилиқ йүрмәктә. Түнүгүн радиомизға кәлгән бир намсиз хәттә баян қилинишичә, елишқуниң 14 - , 15 - вә 16 - кәнтлиридә 3 миңдин артуқ киши қириветилгән. Түнүгүн дуня уйғур қурултийиға йолланған бир намсиз мураҗиәтнамидиму, мәзкур 3 кәнттә қәтлиам йүз бәргәнлики баян қилинип, хәлқара җамаәттин ярдәм соралған.

Мухбиримиз бүгүн йәкәнниң елишқу йезисиға телефон қилип мәзкур вәзийәт һәққидә мәлумат игилиди. Аһалиләрдин бири, елишқуда 5 күндин бери сақчи вә қутқузуш аптомобиллириниң тохтимай қатнап туватқанлиқини билдүрүш билән бирликтә, өзиниң вәқә йүз бәргән 3 - кәнттики кишиләрдин 28 - вә 29 - июл күнлири мәзкур кәнтләрдә кочиға чиққан кишиләрниң қара - қоюқ оққа тутулғанлиқи вә 2000 дин артуқ кишиниң өлгәнликини аңлиғанлиқини баян қилди. Йезидики аһалиләр вә кәнт кадирлириниң телефонда бағлинишқа җүрәт қилалмаслиқиму, елишқудики вәзийәтниң җиддийликини испатлимақта.

Пикирләр (1)
Share

Уйғур

Вәтәнгә телифон қилип соал соримаң. Сиз соалиңизни сорап болғандин кейин телифонни алған кишиләргә аваричилиқ кәлмәмду? телиаон қилиш тоғра кәлсә йолдаш милләтләргә қилиң !

Aug 01, 2014 11:33 PM

Толуқ бәт