Шаһит гүлпийә қазибек: “мени һәммидин бәк азаблиғини ата-анисиз қалған балилар вә лагердики аялларниң әһвали болди”

Вашингтондин мухбиримиз әркин тәйярлиди
2024.01.26
Gulpiye-qazibek-2 Гүлпийә қазибекниң җиаңсуниң шинҗаңға нишанлиқ ярдәм бериш или областлиқ 3-қетимлиқ пиланлиқ туғут тәрбийиләш синипидикиләр билән чүшкән сүрити.
Gülpiye Qazibék teminlidi

Ғулҗа наһийәси әвлия йезисиниң сабиқ пиланлиқ туғут кадири гүлпийә қазибек хитайниң 2017-йили башланған чоң тутқуниға мәҗбури қатнаштурулған, шундақла уйғур дияриниң ғулҗа наһийәсидики бастурушта йүз бәргән нурғун трагидийәлик вәқәләргә шаһит болған бир йеза кадири.

У ‍өткән қетимлиқ сөһбитимиздә, чоң тутқунниң ғулҗа наһийәсидә, болупму у хизмәт қилған әвлия йезисида қандақ башланғанлиқи, чоң тутқунниң алдидики тәйярлиқ басқучлириға даир ‍өзи шаһит болған тәпсилатларни биз билән ортақлашқан иди.

Гүлпийә қазибек ғулҗа наһийәсиниң әвлия йезисида ишләватқан мәзгилидики хизмәт кинишкиси.
Гүлпийә қазибек ғулҗа наһийәсиниң әвлия йезисида ишләватқан мәзгилидики хизмәт кинишкиси.
Gülpiye Qazibék teminlidi

Нөвәттә қазақистанда яшаватқан гүлпийә қазибек бүгүнки сөһбитимиздә 2017-йилдин 2019-йилғичә болған арилиқта шаһит болған трагедийәләрдин өзини һәммидин бәк азаблиған вәқәләрни биз билән ортақлашти. Униң көрситишичә, чоң тутқунға 10 миң нопуси бар әвлия йезисиниң өзидинла икки миңдәк адәм тутқун қилинған икән. У, ши җинпиңниң “йеңи дәврдики шинҗаңни идарә қилиш истиратегийә” нами билән аталған бу бастурушта өзини һәммидин бәк азаплиған вәқәниң чоң тутқунда ата-анисиз қалған балилар вә лагердики уйғур аял тутқунлириниң әһвали болғанлиқини билдүрди.

2019-Йилиниң ахирлирида гүлпийә қазибек аилә мунасивити билән қазақистанға чиқип олтурақлашқан. У 1999-йилдин башлап ғулҗа наһийәсидики йезиларда пиланлиқ туғут кадири болуп ишлигән. юқириқи аваз улинишидин мәзкур сөһбитимизниң тәпсилатини аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.