Shahit gülpiye qazibék: “Méni hemmidin bek azablighini ata-anisiz qalghan balilar we lagérdiki ayallarning ehwali boldi”

Ghulja nahiyesi ewliya yézisining sabiq pilanliq tughut kadiri gülpiye qazibék xitayning 2017-yili bashlan'ghan chong tutqunigha mejburi qatnashturulghan, shundaqla Uyghur diyarining ghulja nahiyesidiki basturushta yüz bergen nurghun tragidiyelik weqelerge shahit bolghan bir yéza kadiri.

U ‍ötken qétimliq söhbitimizde, chong tutqunning ghulja nahiyeside, bolupmu u xizmet qilghan ewliya yézisida qandaq bashlan'ghanliqi, chong tutqunning aldidiki teyyarliq basquchlirigha da'ir ‍özi shahit bolghan tepsilatlarni biz bilen ortaqlashqan idi.

Gülpiye Qazibék teminlidi

Nöwette qazaqistanda yashawatqan gülpiye qazibék bügünki söhbitimizde 2017-yildin 2019-yilghiche bolghan ariliqta shahit bolghan tragédiyelerdin özini hemmidin bek azablighan weqelerni biz bilen ortaqlashti. Uning körsitishiche, chong tutqun'gha 10 ming nopusi bar ewliya yézisining özidinla ikki mingdek adem tutqun qilin'ghan iken. U, shi jinpingning “Yéngi dewrdiki shinjangni idare qilish istiratégiye” nami bilen atalghan bu basturushta özini hemmidin bek azaplighan weqening chong tutqunda ata-anisiz qalghan balilar we lagérdiki Uyghur ayal tutqunlirining ehwali bolghanliqini bildürdi.

2019-Yilining axirlirida gülpiye qazibék a'ile munasiwiti bilen qazaqistan'gha chiqip olturaqlashqan. U 1999-yildin bashlap ghulja nahiyesidiki yézilarda pilanliq tughut kadiri bolup ishligen. Yuqiriqi awaz ulinishidin mezkur söhbitimizning tepsilatini anglighaysiler.