Истанбулдики хитай консулханиси алдиға топланған уйғур яшлири тутқундики аилә тавабиатлири һәққидә ениқ җаваб елишни күтмәктә

Ихтиярий мухбиримиз азиғ
2020-12-31
Share
Истанбулдики хитай консулханиси алдиға топланған уйғур яшлири тутқундики аилә тавабиатлири һәққидә ениқ җаваб елишни күтмәктә Истанбулдики хитай консулханиси алдиға топланған уйғур яшлири тутқундики аилә тавабиатлири һәққидә ениқ җаваб елишни күтмәктә. 2020-Йили декабир, түркийә.
RFA/Azigh

Бүгүн, йәни 31-декабир лагер қурбанлири аилә тавабиатлириниң истанбулдики хитай консулханиси алдидики наразилиқ паалийитиниң 10-күнидур.

Аилә әзалири хитай түрмилиригә яки йиғивелиш лагерлириға соланған түркийәдики уйғурлар истанбулдики хитай консулханисидин аилилири һәққидә ениқ изаһат беришни тәләп қилмақта.

Лагер қурбанлири аилә тавабиатлириниң истанбулдики хитай консулханиси алдидики паалийити түркийә җәмийитиниң вә ахбарат васитилириниң диққитини қозғиған болуп, тонулған журналистлар, дини рәһбәрләр вә сиясий партийә вәкиллири хитай консулханисиниң алдидики паалийәткә қатнишип, өзлириниң лагер қурбанлири йеқинлириниң йенида икәнликини билдүрүшмәктә.

Лагер қурбанлири йеқинлиридин мирзәхмәт илясоғли зияритимизни қобул қилип, паалийәтниң интайин үнүмлүк елип бериватқанлиқини тәкитлиди.

Истанбулдики хитай консулханиси алдиға топланған уйғур яшлири тутқундики аилә тавабиатлири һәққидә ениқ җаваб елишни күтмәктә. 2020-Йили декабир, түркийә.

Мәзкур паалийәт түркийә вә хәлқаралиқ ахбарат васитилириниң күчлүк диққитини қозғимақта. Тонулған журналист вә язғучи халис өздәмир әпәнди истанбулдики хитай консулханиси алдидики бу наразилиқ паалийитиниң түрк хәлқи вә ахбаратиниң җиддий диққитини қозғап, көплигән кишиләрниң бу ишқа көңүл бөлүшкә башлиғанлиқини тәкитлиди:

"йиғивелиш лагерлири қурбанлириниң йеқинлири хитай консулханисидин 10 күнниң яқи юртлиридики тутқун қилиған аилә әзалири һәққидә изаһат тәләп қиливатиду. Түрк хәлқи иҗтимаий алақә васитилири вә ахбарат васитиси арқилиқ әһвалдин хәвәрдар болуватиду. Дуняниң башқа йәрлиридики уйғурларму хитай консулханисиниң алдиға берип, бу хил паалийәтни көләмләштүрсә, хитайға күчлүк бесим шәкилләндүргили болиду. Хитай өзлириниң инсанлиққа ят ирқи қирғинчилиқини дунядин йошуралайдиғанлиқиға ишиниватиду. Әмди әһвалниң бундақ болмайдиғанлиқини, вәзийәтниң хитайға пайдисиз икәнликини хитай чүшинишкә мәҗбур."

Истанбул университетиниң оқуғучиси абдурахман муһәммәт зияритимизни қобул қилип, хитай дөлитиниң өзлиригә җаваб бериш мәҗбурийитиниң барлиқини тәкитләп мундақ деди:

"биз хитай паспортини көтүрүп, илтимасимизни беришни күтүватимиз. Хитайниң бизгә җаваб бериш мәҗбурийити бар. Биз хитай бизгә җаваб бәргәнгә қәдәр паалийитимизни давамлаштуримиз."

Аилә әзалири хитай тәрипидин тутқун қилинған түркийәдики уйғур оқуғучилар вә яшлар 18-декабирдин етибарән хитай консулханиси илтимаслирини рәсмий йосунда тапшурувалғанға вә аилилири һәққидә изаһат бәргәнгә қәдәр һәр күни консулхана алдида йиғилип хитай һөкүмитидин җаваб күтидиғанлиқини елан қилған иди. 10 Күндин буян истанбулдики хитай консулханиси алдидики бу паалийәт техиму күчлинип давам қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт