Лагер тутқунлири йеқинлири әрзинҗан вә әрзурумда уйғур мәсилисини аңлатти

Ихтиярий мухбиримиз азиғ
2021-09-23
Share
Лагер тутқунлири йеқинлири әрзинҗан вә әрзурумда уйғур мәсилисини аңлатти Шәрқи түркистан үчүн анатолийә сәпири паалийитини тәшкиллигән лагер тутқунлири йеқинлири әрзинҗан җумһурийәт мәйданида мухбирларни күтүвелиш йиғини өткүзгән. 2021-Йили 19-сентәбир, түркийә.
RFA/Azigh

Шәрқи түркистан үчүн анатолийә сәпири паалийитини тәшкиллигән лагер тутқунлири йеқинлири 19-сентәбир күни әрзинҗан җумһурийәт мәйданида мухбирларни күтүвелиш йиғини өткүзгән.

Мәзкур паалийәт икки күн давамлашқан болуп, паалийәтни "IHH инсаний ярдәм фонди", түрк очақлири тәшкилати, әрзинҗан шәһәрлик һөкүмити вә саадәт партийәси аяллар комитети қатарлиқ пуқрави тәшкилатлар вә сиясий партийәләр қоллап қуввәтлигән.

Икки күнлүк паалийәттә паалийәтчиләр әрзинҗан хәлқигә уйғур қирғинчилиқиға аит тәпсилатларни аңлатқан, қирғинчилиққа қарши имза топлаш паалийити елип барған.

Шәрқи түркистан үчүн анатолийә сәпири паалийитини тәшкиллигән лагер тутқунлири йеқинлири әрзинҗан җумһурийәт мәйданида мухбирларни күтүвелиш йиғини өткүзгән. 2021-Йили 19-сентәбир, түркийә.
Шәрқи түркистан үчүн анатолийә сәпири паалийитини тәшкиллигән лагер тутқунлири йеқинлири әрзинҗан җумһурийәт мәйданида мухбирларни күтүвелиш йиғини өткүзгән. 2021-Йили 19-сентәбир, түркийә.

Әрзинҗан шәһәр башлиқи бекир аксун, түрк очақлири тәшкилатиниң әрзинҗан шөбиси башлиқи бүләнит дабанлиоғли мәзкур паалийәтни орунлаштурған лагер тутқунлири йеқинлирини қобул қилип, уларниң дәрдлирини аңлиған.

Мәзкур паалийәтниң тәшкиллигүчилиридин уйғур кишилик һоқуқ паалийәтчиси мәдинә назими ханим зияритимизни қобул қилип,

Әрзинҗанда елип берилған пүтүн паалийәтләрдә әрзинҗан хәлқи вә әрзинҗан яшлириниң актип аваз қошқанлиқини, паалийәт җәрянида көп ярдәмгә еришкәнликини ейтти.

Лагер тутқунлири йеқинлири 21-чесла әрзурум шәһиригә йитип келип, уйғур мәсилисини әрзурум хәлқигә аңлитиш мәқситидә бир қатар

Паалийәтләрни тәшкиллигән.

Әрзурумдики икки күнлүк паалийәттә, имза топлаш паалийити, тәшвиқат паалийити вә мухбирларни күтүвелиш йиғини өткүзүлгән. Паалийәтчиләр йәнә әрзурумдики пуқрави тәшкилатларниң мәсуллири билән бир йиғин тәшкилләп, бундин кейинки паалийәтләрдә зич һәмкарлишиш тоғрисида бәзи тәдбирләрни түзгән.

Әрзурумда мухбирларни күтүвелиш йиғининиң орунлаштурушини тәшкилатлар бирлики җәмийити үстигә алған болуп, мәзкур паалийәткә әрзурумдики пуқрави тәшкилатларниң мәсуллиридин башқа әрзурумдики тонулған дини әрбабларму қатнашқан.

Түркийәдики кишилик һоқуқ паалийәтчилиридин мирзәхмәт илясоғли әпәндим зияритимизни қобул қилип, әрзурум хәлқиниң уйғур мәсилисигә болған қизғинлиқидин интайин тәсирләнгәнликини ейтти.

Мәзкур паалийәтниң тәшкиллигүчиллиридин кишилик һоқуқ паалийәтчиси җәвлан ширмәмәт әпәндим зияритимизни қобул қилип, мәзкур паалийәтни давамлаштуруш җәрянида нурғун қийинчилиқларға йолуққан болсиму, хәлқ вә тәшкилатларниң ярдими билән тосалғуларни йеңип келиватқанлиқини ейтти.

Көзәткүчиләр, йеңи вә өзгичә қаршилиқ паалийәтниң хитайниң қирғинчилиқ сиясәтлирини дуняға ашкарилашта зор әһмийәткә игә икәнликини тәкитләшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт