Lagér tutqunliri yéqinliri erzinjan we erzurumda Uyghur mesilisini anglatti

Ixtiyariy muxbirimiz azigh
2021-09-23
Share
Lagér tutqunliri yéqinliri erzinjan we erzurumda Uyghur mesilisini anglatti Sherqi türkistan üchün anatoliye sepiri pa'aliyitini teshkilligen lagér tutqunliri yéqinliri erzinjan jumhuriyet meydanida muxbirlarni kütüwélish yighini ötküzgen. 2021-Yili 19-séntebir, türkiye.
RFA/Azigh

Sherqi türkistan üchün anatoliye sepiri pa'aliyitini teshkilligen lagér tutqunliri yéqinliri 19-séntebir küni erzinjan jumhuriyet meydanida muxbirlarni kütüwélish yighini ötküzgen.

Mezkur pa'aliyet ikki kün dawamlashqan bolup, pa'aliyetni "IHH Insaniy yardem fondi", türk ochaqliri teshkilati, erzinjan sheherlik hökümiti we sa'adet partiyesi ayallar komitéti qatarliq puqrawi teshkilatlar we siyasiy partiyeler qollap quwwetligen.

Ikki künlük pa'aliyette pa'aliyetchiler erzinjan xelqige Uyghur qirghinchiliqigha a'it tepsilatlarni anglatqan, qirghinchiliqqa qarshi imza toplash pa'aliyiti élip barghan.

Sherqi türkistan üchün anatoliye sepiri pa'aliyitini teshkilligen lagér tutqunliri yéqinliri erzinjan jumhuriyet meydanida muxbirlarni kütüwélish yighini ötküzgen. 2021-Yili 19-séntebir, türkiye.
Sherqi türkistan üchün anatoliye sepiri pa'aliyitini teshkilligen lagér tutqunliri yéqinliri erzinjan jumhuriyet meydanida muxbirlarni kütüwélish yighini ötküzgen. 2021-Yili 19-séntebir, türkiye.

Erzinjan sheher bashliqi békir aksun, türk ochaqliri teshkilatining erzinjan shöbisi bashliqi bülenit dabanli'oghli mezkur pa'aliyetni orunlashturghan lagér tutqunliri yéqinlirini qobul qilip, ularning derdlirini anglighan.

Mezkur pa'aliyetning teshkilligüchiliridin Uyghur kishilik hoquq pa'aliyetchisi medine nazimi xanim ziyaritimizni qobul qilip,

Erzinjanda élip bérilghan pütün pa'aliyetlerde erzinjan xelqi we erzinjan yashlirining aktip awaz qoshqanliqini, pa'aliyet jeryanida köp yardemge érishkenlikini éytti.

Lagér tutqunliri yéqinliri 21-chésla erzurum shehirige yitip kélip, Uyghur mesilisini erzurum xelqige anglitish meqsitide bir qatar

Pa'aliyetlerni teshkilligen.

Erzurumdiki ikki künlük pa'aliyette, imza toplash pa'aliyiti, teshwiqat pa'aliyiti we muxbirlarni kütüwélish yighini ötküzülgen. Pa'aliyetchiler yene erzurumdiki puqrawi teshkilatlarning mes'ulliri bilen bir yighin teshkillep, bundin kéyinki pa'aliyetlerde zich hemkarlishish toghrisida bezi tedbirlerni tüzgen.

Erzurumda muxbirlarni kütüwélish yighinining orunlashturushini teshkilatlar birliki jem'iyiti üstige alghan bolup, mezkur pa'aliyetke erzurumdiki puqrawi teshkilatlarning mes'ulliridin bashqa erzurumdiki tonulghan dini erbablarmu qatnashqan.

Türkiyediki kishilik hoquq pa'aliyetchiliridin mirzexmet ilyasoghli ependim ziyaritimizni qobul qilip, erzurum xelqining Uyghur mesilisige bolghan qizghinliqidin intayin tesirlen'genlikini éytti.

Mezkur pa'aliyetning teshkilligüchilliridin kishilik hoquq pa'aliyetchisi jewlan shirmemet ependim ziyaritimizni qobul qilip, mezkur pa'aliyetni dawamlashturush jeryanida nurghun qiyinchiliqlargha yoluqqan bolsimu, xelq we teshkilatlarning yardimi bilen tosalghularni yéngip kéliwatqanliqini éytti.

Közetküchiler, yéngi we özgiche qarshiliq pa'aliyetning xitayning qirghinchiliq siyasetlirini dunyagha ashkarilashta zor ehmiyetke ige ikenlikini tekitleshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet