Лагер шаһитлиридин қәлбинур сидиқ вә гүлбаһар хативаҗиниң җаза лагерлири тоғрулуқ германийәдә гуваһлиқ бериш паалийәтлири башланди

Ихтиярий мухбиримиз әкрәм
2021-11-08
Share
Лагер шаһитлиридин қәлбинур сидиқ вә гүлбаһар хативаҗиниң җаза лагерлири тоғрулуқ германийәдә гуваһлиқ бериш паалийәтлири башланди Голландийәдин кәлгән қәлбинур сидиқ(оңдин биринчи) вә фирансийәдин кәлгән гүлбаһар хативаҗи(оңдин үчинчи) ханимлар "диянәт ишлири түрк ислам бирлики" намлиқ түрк тәшкилатида гуваһлиқ бәргән. 2021-Йили 8-ноябир, германийә.
RFA/Ekrem

7-Ноябир күни германийәниң нопузлуқ телевизийә қаналлиридин бири болған "Z D F" лагер шаһитлиридин қәлбинур сидиқ вә гүлбаһар хативаҗиниң германийәдә башланған җаза лагерлири тоғрулуқ гуваһлиқ бериш паалийәтлири тоғрисида мәхсус хәвәр тарқатти. Хәвәрдә, уйғурлар қамалған хитайниң җаза лагерлиридин аман-есән қутулуп чиққан бу икки шаһитниң лагерлардики инсанийлиқтин һалқиған зулум тоғрисида өз кәчмишлирини асас қилған һалда гуваһлиқ бериватқанлиқи илгири сүрүлгәниди. "явропа шәрқий түркистан бирлики" тәшкилатиниң рәиси әсқәрҗан әпәнди 7-ноябир "Z D F" телевизийә қанилиниң зияритини қобул қилғанда, хитайниң җаза лагерлири сияситини әйибләш билән биргә, 2022-йиллиқ бейҗиң қишлақ олимпик мусабиқисини байқут қилиш мәсилиси һәққидиму тохталған.

Голландийәдин кәлгән қәлбинур сидиқ(оңдин биринчи) вә фирансийәдин кәлгән гүлбаһар хативаҗи(оңдин үчинчи) ханимлар
Голландийәдин кәлгән қәлбинур сидиқ(оңдин биринчи) вә фирансийәдин кәлгән гүлбаһар хативаҗи(оңдин үчинчи) ханимлар "диянәт ишлири түрк ислам бирлики" намлиқ түрк тәшкилатида гуваһлиқ бәргәндин кейин хуласә йиғини. 2021-Йили 8-ноябир, германийә.

Икки һәптә давамлишидиған, 10 дин артуқ шәһәрдә елип берилидиған бу паалийәтни мәркизи германийәниң мюнхен шәһиридә болған "явропа шәрқий түркистан бирлики" тәшкилати орунлаштурған болуп, 7-ноябир күни шаһитлар мюнхендики қисқичә DITIB дәп аталған, "диянәт ишлири түрк ислам бирлики" намлиқ түрк тәшкилатида гуваһлиқ бәргән. 8-Ноябир болса баварийә парламентида гуваһлиқ бәргән.

Биз бу паалийәт мунасивити билән җаза лагери шаһитлиридин голландийәдин кәлгән қәлбинур сидиқ вә фирансийәдин кәлгән гүлбаһар хативаҗи ханимларни зиярәт қилдуқ. Қәлбинур сидиқ ханим бу һәқтә тохталғанда, гуваһлиқ бериш паалийитиниң башлиништинла наһайити утуқлуқ болғанлиқини тәкитлиди. Гүлбаһар хативаҗи ханимму бу һәқтә қарашлирини ипадә қилип, "миллитимизниң бешиға кәлгән бу дәрд-әләмләрни аңлитиш пурситигә еришкәнликимиздин хушал болдуқ" дегәнләрни тилға алди.

Мәзкур паалийәт 7-ноябирдин 21-ноябирғичә германийәниң мюнхен, авгисбург, регинисбург, вүрсбург, франкфурт, гөттнгән, лайипзиг, берлин, һанновер, карлсруһе шәһәрлиридә һәм чехийәниң пайтәхти пирага шәһәрлиридә давам қилидикән. Паалийәт гуваһлиқ бериш вә ахбарат елан қилиш шәкиллиридә өткүзүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт