D u q ning afghanistanda Uyghur ana til mektipi échish pilani Uyghur muhajirlirining alqishigha érishti

Afghanistanda pa'aliyetlerde boluwatqan dunya Uyghur qurultiyi wekili ömerjan kabulda échilghan ana til mektipining oqughuchi-oqutquchiliri bilen xatire sürette. 2015-Yil 7-öktebir, kabul.

Afghanistanda pa'aliyetlerde boluwatqan dunya Uyghur qurultiyi wekili ömerjan tünügün kabuldin bedexshan'gha qarap yolgha chiqti. U bedexshan sepirining aldida muxbirimiz ziyaritini qobul qilip, kabuldiki pa'aliyetliri heqqide melumat berdi. Melum bolushiche, afghanistandiki Uyghurlarning jiddiy éhtiyajlirigha chare izdesh we ularni Uyghur milliy herikitige aktip qatnishishqa righbetlendürüsh, dunya Uyghur qurultiyining nöwettiki xizmet pilanining bir qismi, shunga qurultay wekili ömerjanning kabuldiki mezkur pilanining muhim qedemliridin biri bolghan ana til mektipi échishqa merkezleshken we bu pilan Uyghur muhajirlarning qizghin alqishigha érishken.

Qurultay wekili ömerjan mazarishériptin kabulgha qaytip kelgendin kéyin, awwal kabuldiki Uyghur dukandarlarni yoqlighan, arqidin aktip yashlar bilen alaqiliship, ularni bir jaygha toplighan we dunya Uyghur qurultiyining nöwettiki xizmetliridin melumat bergen we ularni qurultay re'isi rabiye xanim bilen téléfonda uchrashturghan. Bu uchrishishtin righbetlen'gen Uyghur yashliri, buningdin kéyinki öz-ara uchrishishlirini jama'etchilik sewiyesidin teshkilatchiliq sewiyesige yükseldürüshning muhimliqini tonup yetken. Ular ghiyas exmet isimlik bir yashni özlirige yétekchi qilip teyinligen. Rabiye xanim bilen téléfon söhbiti we qurultayning ana til mektipi pilanidin memnun bolghan kabuldiki Uyghurlar öz tesiratlirini bayan qildi.

Ana til mektipi échish qurultayning afghanistandiki xizmet pilanining tunji qedimi bolup, afghanistanda Uyghur birleshmisi qurush, ishxana tesis qilish, qéyin ehwaldikilerni muwapiq döletlerge yötkesh qurultay oylishiwatqan kéyinki xizmetlerdur.