«ئۇيغۇر رەھبەرلەرنى ئىنسان ھەقلىرى ۋە دېموكراتىيە بويىچە تەربىيىلەش پروگراممىسى» (كۇرسى)نى ۋاشىنگتوندا ئۆتكۈزۈش قارار قىلىندى

مۇخبىرىمىز گۈلچېھرە
2015-03-04
Share
wekiller-rehber-terbiyelesh-kursida.jpg 6-نۆۋەتلىك ئۇيغۇر رەھبەرلىرىنى تەربىيىلەش كۇرسىغا 16 دۆلەتتىن 100 ۋەكىل قاتناشتى. 2012-يىلى 18-ماي، توكيو.
RFA/Erkin Tarim

چەتئەللەردىكى ئۇيغۇر مىللىي ھەرىكىتىنىڭ ئالىي مەركىزى بولغان دۇنيا ئۇيغۇر قۇرۇلتىيى 2007-يىلىدىن بۇيان ئۇيغۇر رەھبەرلىرىنى «دېموكراتىيە، كىشىلىك ھوقۇق، خەلقئارا قانۇن بويىچە تەربىيىلەش پروگراممىسى» نى يولغا قويۇپ ھەرقايسى دۆلەتلەردە پائالىيەت ئېلىپ بېرىۋاتقان شەرقىي تۈركىستان تەشكىلاتلىرىنىڭ ۋە سىياسىي پائالىيەتچىلەرنىڭ كەسىپلىشىش سەۋىيىسىنى يۇقىرى كۆتۈرۈش، ئۇلارنىڭ خەلقئارا قانۇن، دېموكراتىيە، ئىنسان ھەقلىرى ساھەلىرى بويىچە چۈشەنچىلىرىنى چوڭقۇرلاشتۇرۇش تەربىيىلىرىنى ئېلىپ بېرىشنى داۋاملاشتۇرۇپ كەلمەكتە.

دۇنيا ئۇيغۇر قۇرۇلتىيىنىڭ 2-مارت ئېلان قىلىشىچە، د ئۇ ق 10-نۆۋەتلىك تەربىيىلەش پروگراممىسى (كۇرسى)نى 2015-يىلى 5-ئاينىڭ 6-كۈنىدىن 8-كۈنىگىچە پۈتۈنلەي ئۇيغۇر ياشلىرىنى ئاساس قىلغان ھالدا ۋاشىنگتوندا ئۆتكۈزۈشنى قارار قىلغان. كۇرسقا تىزىملاش ئىشلىرى رەسمىي باشلانغان بولۇپ، كۇرسىنىڭ ئېچىلىش مۇراسىمى 5-ئاينىڭ 6-كۈنى ئامېرىكا دۆلەت مەجلىسىدە ئۆتكۈزۈلىدىكەن.

بىز دۇنيا ئۇيغۇر قۇرۇلتىيىنىڭ بۇ پروگرامما(كۇرس)ئىنى ئورۇنلاشتۇرۇشتىكى مەقسىتى ۋە ئۇنىڭ ئۆز ئىچىگە ئالغان مەزمۇنلىرى ھەمدە قاتنىشىش شەرتلىرى ھەققىدە تەپسىلىي مەلۇمات ئېلىش ئۈچۈن دۇنيا ئۇيغۇر قۇرۇلتىيىنىڭ ئىجرائىيە كومىتېت مۇدىرى دولقۇن ئەيسا ئەپەندىنى زىيارەت قىلدۇق.

ئاۋاز ئۇلىنىشى ئارقىلىق مۇخبىرىمىزنىڭ دولقۇن ئەيسا ئەپەندى بىلەن ئۆتكۈزگەن سۆھبىتىنى ئاڭلىغايسىلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت