Майсәм мутәллип йетәкчиликидики намайишчилар волксваген аптомобиллирини сетиш орунлириға берип намайиш қилған

Мухбиримиз мәмәтҗан җүмә
2021-04-18
Share
Майсәм мутәллип йетәкчиликидики намайишчилар волксваген аптомобиллирини сетиш орунлириға берип намайиш қилған Уйғур алимә майсәм мутәллип йетәкчилики намайишчилар шәнбә күни йәнә бостон шәһиридики волксваген аптомобиллирини сетиш орунлиған берип намайиш қилған. 2021-Йили 17-апрел.
Social Media

Уйғур алимә майсәм мутәллип йетәкчиликидики намайишчилар шәнбә күни йәнә бостон шәһиридики волксваген аптомобиллирини сетиш орунлириға берип намайиш қилған вә уларни уйғурларға қаритилған ирқий қирғинчилиқ мәсилисигә инкас қайтурушқа чақирған.

Майсәм мутәллип шәнбә күндики намайиш һәққидә тарқатқан твиттер учуриға қариғанда, намайиш бостон шәһиридики волксваген аптомобиллирини мәхсус сатидиған 3 ширкәтниң алдида елип берилған.

У, бу һәқтә тарқатқан нәқ мәйдан учурлири вә қисқа филимгә қариғанда, намайишчилар волксваген ширкитини ирқий қирғинчилиқ мәсилисидә тәрәп тутушқа, херидарларни волксваген аптомобиллирини алмаслиққа дәвәт қилған.

Волксваген ширкитиниң 1. 8 Милйондин 3 милйонғичә уйғур вә башқа түркий милләтләр қамалған җаза лагерлири мәвҗут уйғур елидә машина ишләпчиқириш завути бар болуп, улар илгири мәзкур район билән болған сода алақисини үзүшкә чақирилған иди.

Һалбуки, волксваген райондики завутлирини тақаш мәсилисидин өзини қачуруп кәлгән.

Майсәм мутәллип ханим бостондики дуняға даңлиқ университет-массачусетс технологийә институтиниң ғол һүҗәйрә тәтқиқатчиси вә мәшһур алимә.

У, хитайниң уйғурларға қаратқан бастуруш һәрикәтлири, инсан һоқуқлири бузғунчилиқлириға қарши үзлүксизпаалийәт қилип кишиләрни бу мәсилисигә диққәт ағдурушқа чақирип келиватқан авангартларниң бири.

Майсәм мутәллип ханим қатарлиқ бир қисим намайишчилар өткән һәптә ахириму бостондики волксваген аптомобиллирини сетиш орунлириға берип намайиш қилған иди.

 

 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт