Майсәм мутәллипова: "уйғурлар бир-биримизгә игә чиқайли"

Мухбиримиз нуриман
2021-04-02
Share
maya-maysem-mitalipova.jpg Масачуссетс технологийә институти (MIT) қармиқидики ғол һүҗәйрә мәркизиниң директори доктор майсәм мутәллипова ханим.
RFA/Eziz

"бүгүнки америка" (USA TODAY) хәвәр тори 2-април күни "бостонлуқ аялниң дости йоқап кәтти, шуниңдин кейин у хитайниң ‹ирқий қирғинчилиқи' ға диққәт тартишни өзиниң вәзиписи қилди" сәрләвһилик мақалә елан қилған. Бу аял дәл бостондики масачуссетс технологийә университетиниң тәтқиқатчиси, бостон уйғур уюшмисиниң рәиси, уйғур алимә майсәм мутәллипова ханимдур.

Майсәм мутәллипова ханимниң билдүрүшичә, униң дости имамҗан ибраһим 2014-йили үрүмчигә қайтип кәткән вә 2017-йили тутқун қилинип лагерға қамалғанлиқи ашкариланған.

Имамҗан ибраһим һәққидә радийомизниң игәллишичә, у 1985-йили қәшқәр шәһиридә туғулған. 2004-Йилдин 2009-йил 7-айғичә шинҗаң теббий университетиниң доригәрлик кәспидә оқуп баклавурлуқ унвани алған. 2010-Йили 6-айдин 2011-йили 12-айға қәдәр токйо медитсина университети дохтурханисиниң йүрәк кесәллири бөлүмидә зиярәтчи илмий хадим болуп билим ашурған. 2012-Йилидин 2014-йилиға қәдәр американиң бостон шәһиридә оқуш вә тәтқиқат хизмити билән шоғулланған. Бу җәрянда у бостондики "бет исраил теббий мәркизи" дә бир мәзгил ишлигән.

Майсәм мутәллипова ханим 2017-йили әтияз мәзгилидә имамҗан ибраһимдин туюқсиз телефон тапшуруп алған. Имамҗан телефунда өзиниң паспортиниң тартивелиниғанлиқни ейтқан вә телефун үзүлүп қалған. Шуниңдин кейин имамҗан из-дерәксиз ғайиб болған.

Майсәм ханимниң ейтишичә, имамҗан толиму тиришчан, ақкөңүл, истиқбаллиқ яш икән. Униң хитай һөкүмити уйғурларға йүргүзүватқан "ирқий қирғинчлиқ" сияситиниң қурбани болуп кетишидин әнсирәйдикән.

Майсәм ханим сөһбәт җәрянида уйғурларниң бир-бирсигә игә чиқишиниң зөрүрлүкини қайта-қайта тәкитлиди.

Програмимизниң тәпсилатини төвәндә майсәм мутәллипова ханим билән өткүзгән сөһбитимиздин аңлиғайсиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт